Share

Wicc sinonimu fuq it-televizjoni lokali, jhaddan wahda mill-ikbar agenziji ta’ l-ivjaggar hawn Malta, bniedem ta’ rispett kbir u ghal sentejn shah kien iservi bhala chairman tal-Malta Song.

Qed nirreferi ghal hadd hlief - Norman Hamilton.  Norman twieled fit-28 ta’ April ta’ hafna snin ilu.  Hekk almenu qalli Norman meta staqsejtu kemm ghandu zmien!!  Mizzewweg lil Josette Grech u missier ta’ zewgt ibniet – Davinia ta’ 21 sena u Yasmin ta’ 16-il sena.  Joqghod is-Swieqi.

“Il-passatempi tieghi huma l-qari u l-football – naturalment mhux nilaghbu, imma nsegwieh fuq it-televizjoni.  Bhala tim favorit tieghi huwa l-A.C. Milan u lokalment il-Floriana.  Izda dawn ta’ l-ahhar kwazi qtajt qalbi minnhom ghax donnhom qatt ma’ jgibulna xi unur”, beda jghidli fil-bidu ta’ l-intervista tieghi mieghu.

Rabta mas-safar

Peress li huwa propjetarju ta’ agenzija ta’ l-ivvjaggar lokali, naturalment kelli nistaqsih xi kemm-il darba jsiefer matul is-sena.

“Mis-safar minix nieqes.  Izda fil-bicca l-kbira s-safar tieghi, li sfortunatament huwa kwazi dejjem fuq xoghol, ikun biss ta’ minn jum sa tlieta.  Fejn qabel is-safar ghalija kien passatemp illum sar biss necessità.  Nipprova izda li ta’ l-inqas darba f’sena nsib hin li flimkien mal-mara u t-tfal insiefru lkoll flimkien bhala familja izda mhux dejjem possibli ghax issa zdidna b’kelba u qattus id-dar u m’hemmx min izommhom jekk ahna ma nkunux hawn,” tgharrafli Norman.

Mis-safar, gibt id-diskors dwar iz-zwieg tieghu ma’ Josette Grech, li hi wkoll hija wicc sinonimu fuq it-televizjoni lokali.

Fil-fatt infurmani li hu u l-mara tieghu Josette ilhom l-ikbar hbieb sa mill-1974 izda bdew johorgu flimkien f’Jannar ta’ l-1986.  Izzewgu fis-6 ta’ Lulju tal-1986, jigifieri ilhom mizzewgin ftit aktar minn 22 sena.

Diversi opinjonijiet ta’ persuni jsostnu li d-differenza fl-età bejn koppja taghmel differenza fl-imhabba.  B’hekk peress li kont naf li bejn Norman u bejn Josette hemm 15-il sena differenza, fi kliem iehor Norman huwa 15-il sena ikbar minn Josette, staqsejtu jekk ghalih ghamlitx differenza matul hajjithom.

“Jiena 15-il sena akbar minn Josette izda l-età qatt m’ghamlet differenza, anzi nista’ nghid li aktar ma jghaddu s-snin aktar tikber l-imhabba bejnietna”, sostna Norman.

Fatti dwar Norman Hamilton

Mistoqsi dwar jekk hemmx xi haga li huwa stess jikkritika fih innifsu, dlonk wiegeb, “Nahseb li jien l-ikbar kritiku tieghi nnifsi.  Imn’alla li l-programmi tieghi huma live ghaliex niddejjaq inhares lejja nnifsi fuq l-iscreen.  Izda kritiku akbar minni hija Josette u noqghod hafna fuq dak li tghidli.”

U rigward l-aktar pregji li jqis li ghandu fil-karattru tieghu, Norman infurmani li huma l-pacenzja u d-determinazzjoni.

“Ma’ naqta qalbi minn xejn u anke jekk l-affarijiet jidhru li gejjin kontra xorta nibqa’ nissielet sakemm ingibha zewg.”

Bhala talent li dejjem xtaq li kellu izda m’ghandux hemm id-daqq tal-pjanu.

“Il-hoss tieghu joghgobni wisq u d-daqq tan-noti fuq dan l-istrument jirnexxielu jirrilassjani kompletament”, stqarr Norman.

Il-karriera ta’ Norman Hamilton fix-xandir bdiet bhala prezentatur/deejay mar-Radju tas-Servizzi Inglizi f’Malta fl-1961, dan kien il-BFBS.

“Kont ghadni zghir hafna.  Minn dak iz-zmien ‘l hawn qatt ma harist lura, anke jekk issa x-xandir sar biss passatemp ghalija, minhabba l-impenji ta’ l-agenzija ta’ l-ivvjaggar.”

Dwar jekk hux bi hsiebu jkompli jsahhah din il-karriera tieghu fix-xandir jew jekk wasalx iz-zmien li jieqaf, Norman wegibni b’domanda li staqsa diversi drabi lilu stess, “Meta se nieqaf?  Min jaf!  Kull sena nghid din hija l-ahhar wahda, izda sena wara l-ohra, l-One TV jergghu igedduli l-programm “Bla Agenda” li issa ilu ghaddej 15-il sena.”

Zied jghidli li fis-sena 1968 il-kumpanija “Rediffusion” li maghha kien jipprezenta ta’ kull filghodu  l-“Breakfast Show” baghtithom Londra fuq kors ta’ tliet xhur mal-BBC Radio 1 fejn kien l-“understudy” tal-famuzi prezentaturi Tony Blackburn u Terry Wogan.

“Tghallimt hafna minghandhom, tant u hekk li fl-1975 minn Malta kienu nnominawni biex niehu sehem f’kompetizzjoni organizzata mill-Capital Radio ta’ Londra, ta’ l-aqwa deejay tad-dinja.  B’kollox hadna sehem xi 24 prezentatur minn kull parti tad-dinja.  Kont gejt it-tielet.  Dan nibqa’ nghozzu bhala unur kbir hafna ghalija,” sostna Norman.

Bla Agenda

Tkellimt mieghu dwar il-programm tieghu “Bla Agenda” li kif sostna hu stess ilu jixxandar ghal dawn l-ahhar 15-il sena shah.  Fil-fatt “Bla Agenda” din is-sena ha xejra ftit differenti peress li apparti l-erba’ mistednin li jkollhom f’kull programm qeghdin ta’ kwazi kull gimgha jgibu kantanti barranin li jaghtu xejra internazzjonali lill-programm.

“Inkludejna wkoll lit-Teletubi taz-“zoo” li nhoss li ziedu l-“viewership” tal-programm grazzi ghall-istil inimitabbli ta’ Chrysander Agius u Daniel Chircop u l-pupi taghhom.”

Sibtijiet Flimkien

Minn Bla Agenda, mort lura ghas-snin fejn ghal min jiftakar Norman kien jipprezenta “Sibtijiet Flimkien”.  Dan kien jixxandar fuq TVM bejn l-1983 u l-1987.  “Kont nipprezentah ma’ Josette fl-ahhar sentejn – 1986/87.  Imbaghad tela’ l-Gvern Nazzjonalista u waqqfuli l-programm.”

Kif forsi hafna bhali jahsbu, kont nahseb li kien propju mill-programm “Sibtijiet Flimkien” li Norman kien beda jinnamra ma’ Josette.  B’hekk semmejtlu b’dan li kont nahseb u tlabtu jikkonfermali jew le dan li kont u m’ghadnix nahseb illum.

“Hafna jahsbu li ltqajt ma’ Josette bis-sahha ta’ “Sibtijiet Flimkien”.  Mhu minnu xejn.  Bhalma spjegajt aktar qabel matul din l-intervista, konna ilna hbieb sa mill-1974.  Li hu minnu hu li fl-1986 it-tnejn li ahna ntbahna li dik li ghal tant snin kienet biss hbiberija issa kienet saret imhabba,” ikkonfermali Norman.

Matul tfulitu, Norman kien ha l-edukazzjoni tieghu fl-iskola St Aloysius bhala boarder.  Minn informazzjoni li ksibt, gejt infurmata li hemmhekk ma kienux jithallew jitkellmu bil-lingwa Maltija stess.  Mhux hekk biss, talli min kien jinqabad kien jaqla’ kastig.   Tlabtu jirrakuntali dwar dan.

“Sakemm kelli 16-il sena kont boarder tagt il-Gizwiti fil-Kullegg St. Aloysius.  Dak iz-zmien ma’ konniex nistghu nitkellmu bil-Malti bejnietna, anzi kien ikollna punishment jekk ninqabdu.  Minkejja dan xorta kien ikollna lezzjonijiet tal-lingwa Maltija fil-klassi.”

Ex-Chairman Malta Song

Qlibt l-intervista tieghi mieghu dwar il-kariga li kellu bhala chairman mal-Malta Song.  Fil-fatt serva f’din il-kariga mis-snin 1996 sa l-1998.

“Kont responsabbli ghal zewg Eurovisions – dak ta’ Dublin ma’ Debbie Scerri u l-iehor f’Birmingham ma’ Chiara fejn gejna t-tielet imma kellna nirbhu kieku ma’ kienx ghall-vot tal-Macedonia li waqqaghna mill-ewwel ghat-tielet post. Tassew serquhielna dak in-nhar.  Meta rega’ tela’ l-Gvern tal-PN fl-1998 iddecieda li jnehhini mill-kariga ta’ Chairman.”

Madanakollu, Norman ghadu ntiz        u ghadu jsegwi mill-qrib  il-Maltasong kif ukoll il-Eurovision Song Festival.

“Ghadni wkoll nitla’ kull sena fil-pajjiz fejn f’Mejju jsir il-Eurovision.  Minn dawn il-pajjizi dejjem, grazzi ghal Pierre Cachia u Jason Busuttil li jiffurmaw parti mit-team tal-produzzjoni ta’ “Bla Agenda”, nibaghtu rapporti ta’ ghaxar minuti kuljum permezz tas-satellita u dawn jixxandru fuq One TV.”

Lifetime Achievement Award

Fl-ahharnett ma stajtx ma nsemmix mieghu l-premju Lifetime Achievement Award li kien kiseb.

“Il-Lifetime Achievement Award ifisser hafna ghalija, specjalment meta dan ma jinghatax lili minn xi organizzazzjoni Maltija imma nigi moghti dan l-unur minn organizzazzjoni Internazzjonali stabbilita bhal ma hi l-“World Congress of Arts, Sciences and Communications”, temm jghidli Norman.età

< Prev		Next >