L-istatistika li nharget mill-NSO dan l-ahhar taghti lok ghal thassib. Din turi li l-qaghda ekonomika tal-pajjiz qed tehzien. L-ewwel sett ta’ statistika li qed nirreferi ghaliha hija dik li tirrigwardja l-bilanc tal-pagamenti.
Fl-ewwel tliet xhur ta’ din is-sena l-izbilanc bejn dak li nimpurtaw u dak li nesportaw lahaq € 384 miljun, jew €81 miljun inqas mill-istess perjodu tas-sena l-ohra. Mad-daqqa t’ghajn wiehed jista’ jqis li b’dan il-mod imxejna ‘l quddiem.
Izda r-realtà hi li, waqt li l-esportazzjoni naqset b’€183 miljun fuq is-sena l-ohra, l-importazzjoni ukoll naqset b’€264 miljun. Dak li hu ta’ thassib hu l-fatt li l-affarijiet li impurtajna inqas minnhom huma prodotti industrijali, zjut u lubrikanti. Fi ftit kliem dawn huma l-materja prima tal-industrija u li meta jonqos l-uzu taghhom ikun ifisser li l-ekonomija qed tmajna.
Statistika ohra li tikkonferma dan ir-ragunament kienet dik li matul l-ewwel tliet xhur tal-2009 l-ekonomija Maltija naqset b’aktar minn tlieta fil-mija f’termini reali. Ir-ricessjoni f’pajjizna qed tkun aktar fonda anki jekk dhalna fiha xi ftit wara pajjizi ohrajn.
L-inkwiet hu li fix-xhur li gejjin jekk it-turizmu ma jirpiljax, ser naraw aktar problemi ma’ wiccna.
Qed nghid dan kollu mhux biex naqta’ qalb in-nies, imma ghaliex irrid nikkonvinci lill-Gvern biex jaghmel pakkett ta’ mizuri biex jistimula l-ekonomija halli terga’ tibda tikber u tohloq impjiegi godda ghall-haddiema taghna. Issa huwa l-waqt, perezempju, biex jinbdew progetti ta’ investiment produttiv fl-infrastruttura tal-pajjiz.
Insemmi ezempju wiehed. Il-famuz master plan tal-Port il-Kbir li n-Nazzjonalisti tant ftahru bih qabel l-ahhar elezzjoni generali, jidher li baqa’ fuq l-ixkaffa jigbor it-trab. Lanqas jafu x’ser jaghmlu bil-progett tal-Bacir Numru 1 f’ Bormla, ahseb u ara fuq l-inizjattivi l-ohra li kienu habbru ghall-Port.
L-industrija marittima hi industrija li Malta hija mahluqha ghaliha. Flok joqoghdu jitnikkru fuq l-privatizzazzjoni tat-tarzna, in-Nazzjonalisti jmisshom jghidu ezatt x’ser isir b’dik l-art u bl-attivitajiet ekonomici li huma mahsuba ghaliha.
Hemm ukoll hafna progetti ohra marbuta ma’ l-industrija tat-turizmu. L-istat tat-toroq u l-indafa publika qed taffetwa hazin mhux biss lill-Maltin li nghixu hawn, izda ukoll lit-turisti li jzuruna. Jehtieg li l-Gvern jimbarka fuq progett ta’ emergenza biex itejjeb l-istat tat-toroq u jaghti tindifa lill-pajjiz, l-aktar fiz-zoni turistici.
Jehtieg ukoll li niehdu mizuri biex nghinu lill-intraprizi zghar. Il-Gvern jidher li ma jaqbilx ma’ dak li rrakomandat l-UE biex il-gvernijiet inaqqsu r-rata tal-VAT fuq servizzi li jinghataw minn restoranti u negozji ohra zghar fejn il-kompetizzjoni minn operaturi barranin mhijiex daqstant reali. Mizura bhal din tghin lil dawk li qed jaraw kundizzjonijiet difficli jizviluppaw fl-industrija tat-turizmu.
Jehtieg ukoll li jsir sforz akbar mill-Malta Enterprise biex nattiraw aktar investiment barrani lejn pajjizna. Huwa fatt li l-kundizzjonijiet huma difficli ghaliex l-ekonomija dinjija ghaddejja minn maltemp kbir. Madankollu Malta ghad ghandha certi vantaggi fuq pajjizi ohra li jekk ikunu pprezentati tajjeb jistghu ihajjru interess fost investituri barranin ghax wara kollox l-ebda recessjoni dinjija ma ddum ghal dejjem.
Subscribe to this comment's feed
| < Prev | Next > |
|---|
