Ghal hafna familji Maltin dan is-sajf ser ikun wiehed difficli. L-ekonomija Maltija ghaddejja minn ricessjoni – forsi l-akbar wahda f’dawn l-ahhar ghoxrin sena. Fl-istess hin il-hajja qed tkompli toghla u bir-raguni kollu il-familji taghna qed ihossuhom mghaffgin mic-cirkustanzi ekonomici ta’ bhalissa.
Waqt li wiehed jittama li l-istagun turistiku jtaffi xi ftit mill-problemi ta’ bhalissa, aktarx li dan mhux ser ikun il-kaz. Operaturi turistici meta jitkellu maghna privatament jghidulna li qed jistennew tnaqqis ta’ madwar 15 fil-mija fin-numru ta’ turisti li ser izuruna din is-sena. Digà rajna kif f’April minkejja li kellna l-Ghid, in-numru ta’ turisti naqas b’ sitta fil-mija fuq April tas-sena l-ohra.
Meta jbatti t-turizmu jhoss l-effett kulhadd. Jintlaqtu naturalment l-operaturi tal-lukandi u r-restaurants u maghhom jintlaqtu dawk il-haddiema li jahdmu fuq bazi part-time l-aktar fix-xhur tas-sajf. Meta dawn ma jkunux qed jaqilghu ftit ewro extra, jnaqqsu fl-infiq u maghhom jintlaqtu tal-hwienet.
Izda anki minn qed jahdem f’setturi ohra qed ihabbat wiccu ma’ sajf difficli. Xi fabbriki bhal dik ta’ Joinwell qed inaqqsu l-haddiema ghax naqsilhom ix-xoghol. Ohrajn qed jahsbuha x’ser jaghmlu, ghax waqt li ma jixtiequx li jitilfu haddiema b’esperjenza ma jistghux jibqghu ihallsu spejjez f’pagi meta d-dhul qed jonqos.
Minkejja l-ftahir tal-Gvern Nazzjonalista ftit li xejn qed naraw investiment gdid. Ghad ghandna probloemi serji fl-edukazzjoni taz-zghazagh taghna fejn hafna minnhom mhux qed ikunu ppreparati tajjeb ghat-tip ta’ industiriji moderni li jezistu llum. Jekk il-problema tal-inflazzjoni gholja f’pajjizna ser tkompli tippersisti ser insiru dejjem aktar koroh f’ghajnejn investituri barranin li jqiesu l-kontroll fuq l-inflazzjoni bhala wiehed mill-aktar fatturi importanti qabel jiddeciedu li jinvestu f’ xi pajjiz partikulari. Sa Mejju li ghadda kellna inflazzjoni ta’ 3.6 fil-mija meta l-medja fiz-zona tal-ewro kienet ta’ 0 fil-mija.
Jekk il-gvern mhur ser jisma mill-pariri siewja li taghtu kemm-il darba l-Oppozizzjoni Laburista din il-problema mhux ser tingheleb. Hemm bzonn li t-tariffi tad-dawl u l-ilma jinzlu f’livelli li jirriflettu l-waqgha li kien hemm fil-prezzijiet internazzjonli taz-zejt. B’dan il-mod sew il-familji Maltin kif ukoll l-industrija jkunu jistghu jistejqru u jeghlbu il-problemi ekonomici ta’ bhalissa. Kif kien mistenni, il-Kummissjoni tal-Unjoni Eworpea wissiet lill-Gvern Malti biex sa l-ahhar tal-2010 jerga’ jnaqqs id-deficit ghal taht it-tliet fil-mija u jibda jnaqqas ukoll d-dejn pubbliku. Ftit nara prospetti li dan isehh. Il-Ministru tal-Finanzi ghamel sew li qal li mhux ser izid id-dhul tal-Gvern billi jzid it-taxxi. Il-Gven Nazzjonalista digà ghollihom bizzejjed it-taxxi f’dawn l-ahhar snin.
Min-naha l-ohra jistghu jonqsu xi ftit l-ispejjez publici jekk il-gvern joqghod aktar vigilanti biex jaqta’ l-hela li f’certi setturi ghadha evidenti. Issa naraw jekk hux ser naraw xi tnaaqqis fis-servizzi socjali biex jitrazznu l-ispejjez. L-ekonomija Maltija bhal dik ta’ pajjizi ohra tehtieg stimulu biex terga’ tibda tirpilja. Il-Gvern baqa’ lura milli jaghmel pakkett ta’ mizuri biex jistimulaw l-ekonomija. Naturalment dan kien minhabba l-infiq mhux ikkontrollat li sar is-sena l-ohra u ta’ qabilha biex tintrebah l-elezzjoni.
L-elezzjonijiet jigu u jmorru imma l-effetti ta’ ekonomija ghajjiena jibqghu jinhassu ghal zmien twil. Ghalhekk jehtieg li l-gvern ikun aktar sensittiv ghall-effetti li r-ricessjoni prezenti qed ikollha fuq il-familji Maltin u fuq l-industrija. Jehtieg li jisma aktar il-karba tan-nies u mhux jikkoncentra biss fuq xi jridu il-burokrati ta’ Brussels.
This e-mail address is being protected from spambots. You need JavaScript enabled to view it
www.mangioncharles.com
Subscribe to this comment's feed
| < Prev | Next > |
|---|
