IMF u z-zona EwroKull sena l-Fond Monetarji Internazzjonali jaghmel rapport dwar pajjizna, liema rapport ikun mistenni hafna mill-gvern. Dan ir-rapport jithejja minn numru ta’ esperti li jintbaghtu Malta apposta skond il-ftehim li jsir bejn il-Gvern u l-IMF sabiex janalizza l-izvillupp ekonomiku u finanzjarju fi stati membri tal-IMF. Dan ir-rapport isir ukoll biex jassigura l-istabbilità fis-sistema finanzjarja internazzjonali. Il-fatt li Malta hi membru fiz-zona Ewro, il-visita mill-esperti issir darba fis-sena.
Waqt iz-zjara taghhom f’pajjizna l-esperti tal-IMF jiltaqghu ma’ diversi esponenti ewlenin fosthom anke mal-GWU. Personalment kont prezenti f’diversi minn dawn il-laqghat u din is-sena ergajt kont prezenti flimkien ma’ shabi l-President tal-GWU Victor Carachi u il-Kontrollur Finanzjarju taghna Robert Borg.
Normalment dawn il-laqghat jiehdu forma ta’ diskussjoni fejn ahna naghtu l-verzjoni taghna tas-sitwazzjoni ekonomika f’pajjizna u min-naha taghhom jistaqsu diversi mistoqsijiet biex suppost ikomplu jiksbu aktar informazzjoni li tista’ tghin fit-tfassil tar-rapport finali. Personalment dejjem sibt dawn il-laqghat interessanti izda dejjem gieni suspett li l-laqghat maghna jsiru biss biex il-Gvern ikun jista’ jghid li saret konsultazzjoni wiesgha. Uzajt il-kelma ’suppost’ mhux b’kumbinazzjoni izda ghax nemmen li hafna minn dak li nghidu ahna jidhol minn widna u johrog mill-ohra. Din is-sena kienet ferm aghar mis-snin l-ohra. Dan ghall-fatt li meta ahna bdejna nuru dak li verament qed jigri f’Malta u bdejna nitkellmu dwar il-kontijiet esagerati tad-dawl u l-ilma u l-pizijiet li qed jintefghu fuq il-haddiema u dawk li jhaddmu kellna reazzjoni verament stramba li jien qatt ma stennejt minn dawn l-esperti. Minflok huma semghu lilna, bdew jintervjenu kull darba u jiddefendu ’l Gvern.
Dan ma kienx xi incident izolat u komplew bl-istess atitudni meta ahna semmejna in-nuqqas ta’ xoghol u anke l-haddiema li qed jahdmu b’erbat ijiem fil-gimgha. Anke meta semmejna s-sehem ta’ l-Awtorità Maltija ghar-Rizorsi (MRA) fil-kaz tat-tariffi tad-dawl u l-ilma u wrejna kif l-affarijiet saru hazin u kif l-Awtorità spiccat pupazz f’idejn il-Gvern kellna reazzjoni ta’ difiza assoluta kemm ghall-MRA kif ukoll ghall-Gvern. Sthajjilt li quddiemna ghandna xi ministru tal-gvern li xogholu hu biss dak li jiddefendi dak li jaghmel il-gvern akkost ta’ kollox.
Il-laqgha li kellhom maghna tawha wkoll titolu: “Labour market reform/competitiveness economic outlook” u l-ghan taghha gie deskrit bhala dak li ghandu jghin il-missjoni biex tkun tista’ thares mill-qrib lejn l-izviluppi fis-setturi varji ta’ l-ekonomija u politika relatata li tkun qed tigi segwita. Fil-laqgha sar kollox minbarra dan.
L-idea tieghi issa saret wahda cara. Dawn il-laqghat isiru biss biex nahlu l-hin. Il-Gvern qed juza lilna u organizzazzjonijiet ohra sempliciment ghal ghajn il-poplu izda veramnet ix-xoghol ikun digà preparat u r-rapport johrog ezatt dak li jixtieq jara l-gvern. Fuq kollox hu qed ihallas ghalih. Qed nistenna bil-herqa r-rapport biex nikkonferma dak li ghadni kemm ktibt.
Subscribe to this comment's feed
| < Prev | Next > |
|---|
