Sewwa ghamel l-editur ta’ “Il-Mument” li wriena li fi spazju ta’ xahar, twettqu erba’ weghdiet elettorali, ghax kieku tal-Labour jibdew jitwemmnu li l-prim Gonzi jwieghed u ma jwettaqx.
Minbarra l-bozoz energy saving, it-tliet weghdiet l-ohra li twettqu huma r-riformaa fil-MEPA, il-progett ghad-dahla tal-Belt eccetra, u r-riforma fl-iskejjel specjali.
Issa forsi jkun hawn min jghid li r-riformi u l-progett tad-dahla tal-Belt ghadhom biss fuq il-karta. Imma b’daqshekk ma jfissirx li l-prim Gonzi jwieghed u ma jwettaqx.
Jekk dawn ir-riformi u progetti jibqghu biss fuq il-karta, allura ibqghu certi li l-prim Gonzi jerga’ jdahhalhom fil-programm elettorali - ghax darba jew ohra, kelmtu jzommha - bhalma zammha dwar il-Crafts Village ta’ Ta’ Qali.
2. Fost l-aqwa fl-Ewropa
Milli jidher Allen Moore, li se jkun qieghed jiehu hsieb l-izvillup tal-klabb tal-football ta’ Floriana, mill-ewwel xorob x’ghandu jaghmel biex la jinhabb u lanqas jinbaghad politikament.
Dan Allen Moore wieghed li sas-sena 2015 (biex jinhabb mal-prim Gonzi) il-Floriana se jkunu fost l-aqwa fl-Ewropa (biex jinhabb ma’ Joseph Muscat).
Tant huwa fiducjuz bhall-prim Gonzi u Joseph Muscat, li qal li sas-sena 2015 il-Floriana se jikkwalifikaw mal-gruppi ta’ xi kompetizzjoni Ewropea.
Jista’ jkun li qal hekk biex sal-2015 ikollu hobzu mahbuz, u jekk finalment ma jwettaqx dak li wieghed, idur fuq id-dirigenti ta’ Floriana u jghidilhom: “M’hemmx x’taghmel, grali bhall-prim Gonzi”.
U bi Dione Borg segretarju, Floriana ftit li xejn ikunu jistghu jghidulu le.
3. Il-Bacir numru wiehed
Prova ohra ta’ kemm il-prim Gonzi jwettaq dak li jwieghed huwa l-progett tal-bacir numru wiehed.
Bhali tafu kemm ilna nkunu mwieghda progetti ghal dan l-imbierek bacir numru wiehed tat-tarzna.
Jien niftakar disinn mill-isbah bi bridges, lukandi, restoranti, hwienet u ma nafx xhix aktar.
Niftakar li darba kienu qalu li se jaghmluh aquarium.
Imbaghad qalu li se jaghmluh crafts village minflok Ta’ Qali.
Imma issa l-prim Gonzi gietu l-idea li jaghmlu marina ghall-jottijiet. U b’hekk fl-ahhar se naraw kelmet Gonzi ssir realtà, ghax jekk Austin Gatt jerga’ ma jasalx, kulma jkollu jaghmel il-prim Gonzi u li jiftah il-bacir, jimlih bl-ilma, u jara li jidhlu xi jott jew tnejn.
4. Issa qieghed nemmen
Kunu afu, hbieb tieghi, li issa qieghed nemmen dak li ilhom ghal zmien twil jghidu tal-Labour, xi gurnalisti, kittieba ta’ ittri u artikli f’gurnali, u lil dawk li jcemplu fuq l-istazzjonijiet tar-radju jilmentaw li hafna drabi, dawk li huma ntitolati ghal medicini b’xejn, m’humiex jinghataw certi medicini mill-ispizeriji tal-gvern ghax jghidulhom li qeghdin out of stock.
Kunu afu wkoll li issa qieghed nemmen li dan in-nuqqas ta’ medicini fl-ispizeriji tal-gvern qieghed ikun ta’ inkonvenjent ghal ghadd ta’ anzjani u penzjonanti. U meta nghid inkonvenjent, ma nfissirx biss ikonvenjent fiziku ghax jintbaghtu minn spizerija ghal ohra, u ma jinqdewx xorta wahda. Imma nfisser ukoll inkonvenjent finanzjarju ghax finalment jispiccaw johorgu l-flus mill-but biex jixtru l-medicini.
Tafu ghaliex issa qieghed nemmen dak li tal-Labour ecc. ilhom jghidu zmien twil? Ghax issa anke l-Union Haddiema Maghqudin (UHM) ta’ Gejtu Vella qieghda tghid l-istess affarijiet.
Subscribe to this comment's feed
| < Prev | Next > |
|---|
