Zmien li norbtuh ma’ mistrieh ghal bosta. Ritmu xi ftit imnaqqas fl-attività izda ghal xi oqsma f’pajjizna, dan iz-zmien, normalment, joffri opportunità ghal aktar xoghol. Ix-xejriet ta’ din is-sena jidhru kemm xejn differenti partikolarment fejn is-soltu l-attività ekonomika tizdied.
Pajjizna, f’dawn iz-zminijiet jilhaq l-ghola livelli fis-settur tat-turizmu. Minn dak li qed jinghad, il-livelli mixtieqa m’humiex se jintlahqu u bosta qed jesprimu l-preokkupazzjoni taghhom f’dawn ic-cirkostanzi. It-tnaqqis fi zmien bhal dan m’huwiex sinjal sabih u jehtieg li jkollna riflessjoni serja kif dan is-settur daqstant importanti ghal pajjizna nindirizzawh ghal li gej.
Hemm diversi fatturi li wiehed irid jara biex jifhem x’qed iwassal ghal dawn ir-rizultati. Is-settur privat jidher li qieghed jaghmel il-parti tieghu u zgur li ghandu kull interess li jara li l-investiment li ghamel jirrendi u jzomm il-valur tieghu. Mhux l-istess jista’ jintqal min-naha tal-entitajiet governattivi li huma responsabbli minn dan is-settur. Jista’ jsir hafna izjed u jehtieg li jsir hafna izjed.
M’huwiex bizzejjed li nippruvaw nikkonvincu lin-nies li qed isiru t-tentattivi mehtiega biex inharsu t-turizmu f’pajjizna.
L-ewwel pass, fil-fehma tieghi, huwa li naraw jekk il-metodi li rrendew fil-passat humiex il-metodi li jistghu jirrendu ghall-futur.
Jehtieg naraw x’inhuma dawk il-fatturi li qed jaghlqu l-bibien lil dawk li jixtiequ jzuruna jew dawk il-fatturi li qed jaghmluha aktar difficli lil dawk li jixtiequ jigu jzuru lil pajjizna.
Fattur iehor importanti hu li jehtieg nifhmu x’inhuma dawk ir-ragunijiet li jehtieg li nipprezentaw lill-potenzjal turist biex jaghzel lilna milli jaghzel lil xi pajjiz iehor. Jehtieg nivvalorizzaw aktar dak li ghandna x’noffru u li jaghtina competitive advantage fuq haddiehor. Zgur li x-xemx u l-bahar biss m’humiex bizzejjed.
Wiehed irid jaghrbel wkoll il-possibilitajiet ta’ koperazzjoni ma’ regjuni u pajjizi qrib taghna bhala opportunità ohra kif nistghu inzidu r-ritmu li, b’xorti hazina ghalina, huwa hafna aktar baxx minn dak li huwa mehtieg.
Is-settur tat-turizmu, inbena bis-sahha tal-kuragg li kellhom diversi pijuniera li raw il-potenzjal ta’ pajjizna u investew hilithom u gidhom biex jibnu dan is-settur.
L-ghajnuniet u s-sens qawwi ta’ direzzjoni li taw gvernijiet passati, wasslu biex pajjizna jahsad il-frott tas-success ta’ dan is-settur.
Jehtieg li jkollna bidla fid-direzzjoni attwali ghal dan is-settur li tista’ tibda billi mill-gdid, tinbena sinergija shiha bejn min qieghed imexxi u kull partecipant f’dan is-settur li mill-gdid qieghed jistenna li jkun hafna aktar imhabbat milli kien din is-sena.
Tigdid
Sena ilu, il-Partit Laburista kien nieda process ta’ tigdid fi hdan l-istrutturi tieghu. Process li involva lil hafna nies fi hdan il-partit izda li ta widen wkoll lil dawk kollha li xtaqu jaghtu l-kontribut taghhom fit-tigdid u tishih tal-partit. B’decizjoni tal-Ezekuttiv Nazzjonali, l-istatut il-gdid tal-partit dahal fis-sehh fl-1 ta’ Awwissu 2009 u huwa accessibbli fis-sit tal-internet.
Din il-fazi ta’ tigdid fl-istrutturi tal-partit issa tissokta meta mix-xahar id-diehel, meta jergghu jigu eletti l-kumitati lokali tal-partit, jigu introdotti l-karigi u l-hidmiet godda mahsuba ghal kumitati taghna. Tibda wkoll hidma gdida fil-livelli l-ohra frott tal-progess ta’ tigdid li wettaq u se jkompli jwettaq il-Partit Laburista biex joffri l-ahjar servizz politiku possibbli.
Grazzi
Nixtieq nirringrazzja lil dawk kollha li b’xi mod jew iehor urew is-soghba u s-solidarjetà mal-familja tieghi fit-telfa ta’ omm missieri Mary Connie Zrinzo nhar it-Tnejn l-ghadda.
Il-familja tieghi tixtieq turi l-apprezzament sincier lil dawk kollha li b’xi mod jew iehor kienu prezenti maghna f’mument ta’ telfa. Grazzi.
www.zrinzo.info
Subscribe to this comment's feed
| < Prev | Next > |
|---|
