Il-mod mill-aktar dubjuz kif inghata l-kuntratt tal-estensjoni tal-power station ta’ Dellimara, jehtieg li jkun ezaminat mill-Parlament fid-dettall, illum qabel ghada.
Propju ghalhekk l-Oppozizzjoni Laburista ressqet mozzjoni biex il-Parlament jiddiskuti din il-kwistjoni b’urgenza biex ikunu stabbiliti l-fatti u n-nuqqasijiet ta’ min kienu, fejn kienu jezistu.
L-Oppozizzjoni Laburista talbet li din il-kwistjoni tigi diskussa fl-ewwel seduta tal-Parlament wara l-vakanzi tas-Sajf li se ssir ghada. Imma kif kien mistenni din it-talba ghall-urgenza waqghet fuq widnejn torox. Bhal donnu l-Prim Ministru Gonzi kuntent jitfa’ t-trab taht it-tapit u joqghod fuq li jghidlu xi hadd bhal Austin Gatt. Kuntent Lawrence Gonzi jistrieh fuq l-ispin tal-forcini tieghu u ma jinteressahx li jkunu nvestigati bir-reqqa l-allegazzjonijiet serji li saru dwar il-mod dubjuz u mill-aktar diskutibbli kif inghata dan il-kuntratt.
Ir-rapprezentanti tal-poplu fil-Parlament ghandhom id-dritt u d-dmir li jizguraw li l-fondi pubblici jintefqu bil-galbu u ma jkunux sparpaljati bl-addocc, u li ma jkunx hemm korruzzjoni fl-ghoti ta’ kuntratti pubblici li jispicca jhallas ghaliha l-poplu mit-taxxi tieghu.
Mill-fatti li rrizultaw sa issa, il-mod kif inghata il-kuntratt tal-estensjoni tal-power station ta’ Dellimara, qanqal hafna dubji u mistoqsijiet li sa issa ghadhom ma twiegbux.
Jekk verament Lawrence Gonzi m’ghandux x’jahbi dwar dan il-kuntratt, u tassew jemmen fil-kontabilità u t-trasparenza, x’inhi l-problema biex tkun diskussa minnufih il-mozzjoni li tressqet mill-Partit Laburista mal-ewwel opportunità meta jiftah il-Parlament ghada? Wara kollox il-mozzjoni tal-PL kulma titlob huwa li min kien politikament responsabbli ghall-ghoti ta’ dan il-kuntratt, ir-responsabbiltà politika jgorrha u mhux jahrab minnha.
Ghandu jew m’ghandux Lawrence Gonzi l-fiducja ta’ shabu kollha fil-Parlament rigward dak kollu li gara fl-ghoti ta’ dan il-kuntratt?
Xi jghidu dawk li ghadhom jemmnu fir-ruh socjali tal-Partit Nazzjonalista dwar il-fatt li ghal dan il-kuntratt erba’ miljun ewro f’commissions, meta bhalissa il-gvern jinsab ghaddej jara kif se jaghfas u jqancec fuq il-beneficcji ghal ommijiet wahedhom, romol u pensjonanti?!
Bla dubju b’erba’ miljun euro setghu jsiru progetti ta’ fejda ghall-pajjiz u ghall-poplu, imma minflok spiccaw marru f’commissions biex dal-kuntratt jinghata lil min ma kienx haqqu li jinghata.
Il-kumpanija barranija li rebhet dan il-kuntratt mhux biss ma kellhix l-orhos offerta, imma ghandha wkoll l-aktar teknologija li tniggez l-ambjent. Tant hu hekk li din se tiggenera tunnellati ta’ skart, zjut u trab kuljum.
It-teknologija li ntghazlet se jkollha tinbidel fi zmien seba’ snin, bi spejjez akbar ghat-tax-payer Malti u li se tkun tfisser ukoll zieda fil-kontijiet tad-dawl.
Ta’ min jghid ukoll li l-kumpanija barranija li hadet dan il-kuntratt tal-estensjoni tal-power station ta’ Dellimara, ghax-xoghlijiet ta’ kostruzzjoni li jridu jsiru f’din l-estensjoni, ghazlet lil kuntrattur li jimpjega lic-chairman tal-Enemalta f’kumpanija ohra fil-grupp ta’ kumpaniji tieghu.
Barra minnhekk, il-kumpanija barranija li rebhet dan il-kuntratt uzat is-servizzi ta’ ex-impjegat tal-EneMalta li spicca jiffacilitalha t-triq mhux ftit b’informazzjoni u kuntatti minn gewwa, li tawha vantagg mhux xieraq fuq il-kompetituri taghha.
Fit-twegiba tieghu ghall-mozzjoni Laburista, il-ministru Austin Gatt, bil-hafna arja zejda tipika tieghu, hareg jghid li hu ma jaghtix kuntratti, biex minn ghalih jahsel idejh mir-responsabbiltà ghal dak li gara.
Madankollu Joseph Muscat, il-Mexxej Laburista, il-Hadd li ghadda zvela kif il-Partit Laburista ghandu f’idejh rapport intern tal-Gvern u l-Enemalta li jghid: “There is a high degree of political interference in the running of the corporation” (Jezisti ndhil politiku qawwi fit-tmexxija tal-korporazzjoni).
Imbaghad x’ghandu xi jghid Austin Gatt ghad-dikjarazzjoni li ghamel dan l-ahhar il-kandidat Nazzjonalista Frank Portelli li allega li hemm korruzzjoni kbira fl-Enemalta, u li meta kien mistoqsi jekk kienx qieghed jirreferi ghall-korruzzjoni fil-kaz tal-power station il-gdida, l-istess Portelli qal li dak li qieghed jirreferi ghalih hija korruzzjoni ferm u ferm ikbar.
Minflok joqghod jixxenja u jaghmel il-frattariji, Austin Gatt forsi jsib ftit tal-hin biex jibghat ghal Frank Portelli halli jspjegalu ftit ahjar xi jrid jghid biha din tal-‘korruzzjoni ferm u ferm akbar fl-EneMalta’.
Sant’Anglu
Matul il-gimgha li ghaddiet, il-parti t’isfel tal-Forti Sant’Anglu, li suppost hu l-gawhra tal-patrimonju kulturali Malti, inghalqet ghall-pubbliku minhabba li qieghda taqa’ bicciet u tinsab fil-periklu.
Meta ‘HMS St. Angelo’ kien f’idejn l-Inglizi, il-Maltin kienu jithallew jidhlu darba fis-sena f’Jum il-Vitorja. Illum il-gurnata li suppost Sant’Anglu sar tal-Maltin, il-parti ta’ fuq tal-forti veru li giet restawrata, imma biex titgawda biss minn erba’ kavallieri.
U issa l-Maltin lanqas jistghu jgawdu l-parti ta’ isfel ta’ Sant’Anglu ghax qieghda taqa’ bicciet.
Ghajb ghal min ilu fis-setgha ghal dawn is-snin kollha, u li fl-istess nifs jghid kemm ghandu ghal qalbu l-patrimonju kulturali Malti, halla lil Sant’Anglu u lil Sant’Iermu jitmermru ghall-istat tal-biki li jinsabu fih llum.
Hafna ftahir fil-vojt dwar id-dehra majestuza tal-Port il-Kbir, imbaghad gawhra bhalma hu Sant’Anglu, Maltin u turisti jistghu igawduh biss mill-boghod ghax mill-vicin ma jistghux ghax qieghed jaqa’ bicca bicca.
Subscribe to this comment's feed
| < Prev | Next > |
|---|
