Biex tara x’kredibbiltà jista’ jkollu l-bagit imressaq mill-Ministru tal-Finanzi, Tonio Fenech, nhar it-Tnejn li ghadda bizzejjed jekk wiehed ihares ftit lejn iz-zewg pagni li dan il-bagit fih dwar il-gzira t’Ghawdex.
Nofs il-proposti li jissemmew bhala “investimenti u inizjattivi ohra” huma riciklati minn bagits tas-snin ta’ qabel. Fil-fatt qeghdin ikunu imwieghda ghat-tielet darba infila wara li fl-ahhar snin baqghu ma twettqux mill-gvern ta’ Lawrence Gonzi.
Minbarra l-hafna kliem sabih dwar Eko-Ghawdex, il-bagit ghas-sena 2010 isemmi sitt proposti ghal Ghawdex li ilna nisimghu bihom zmien.
Jekk wiehed ihares lejn il-bagits tal-ahhar sentejn jirrizulta li nofs dawn il-proposti ssemmew ukoll fil-bagits ghas-sena 2008 u s-sena 2009.
Fil-bagit ta’ din is-sena intqal li se ssir “ir-riabilitazzjoni tal-Gonna ta’ Villa Rundle fic-centru tar-Rabat, b’investiment ta’ 1.3 miljun ewro.”
Dwar dawn l-istess gonna, fil-bagit ipprezentat mill-Prim Ministru Lawrence Gonzi f’Novembru 2007 intqal hekk: “jitlesta l-progett ta’ ribalitazzjoni ta’ Gnien Villa Rundle fir-Rabat.”
F’dan il-kaz il-prospetti li dan ix-xoghol jiehu spinta ‘il quddiem hadu daqqa lura hekk kif nhar il-Gimgha kien ikkancellat it-tender bin-numru CT279/2009 li kien mahsub biex jingaggja l-kuntrattur li kellu jghamel ix-xoghol fuq Villa Rundle.
M’ghandniex xi nghidu l-istess proposta dwar Villa Rundle kienet imnizzla wkoll fil-bagit tas-sena l-ohra, bhal ma kienu wkoll proposti ohrajn.
Fl-2007 kien gie mwieghed ukoll li “fl-isptar t’Ghawdex se tigi zviluppata Taqsima tar-Radjologija u tigi mghammra wkoll it-tieni sala tal-operazzjoni moderna.”
Illum sentejn wara, l-gvern qieghed jerga’ jiwieghed permezz tal-bagit ta’ dis-sena li f’Ghawdex ikun hemm “it-twaqqif tar-radiology unit.”
Din is-sena il-gvern qieghed jghid ukoll li bhala parti mill-bagit, li f’Ghawdex se ssir “it-trasformazzjoni tal-medda maghrufa bhala z-Zwieqa fl-Imgarr bhala promenade max-xatt tal-bahar, b’invesiment ta’ 1.3 miljun ewro.”
Anki din il-wieghda m’hijiex wahda gdida. Fl-2007 Lawrence Gonzi kien qal hekk: “jinbeda l-progett ta’ riabilitazzjoni tax-xatt taz-Zewwieqa u l-Port l-Antik tal-Imgarr.”
B’hekk nofs il-proposti ghal Ghawdex f’dan l-ahhar bagit m’huma xejn ghjar proposti riciklati li jekk xejn il-gvern ta’ Lawrence Gonzi ghandu jwiegeb ghaliex ghadhom ma twettqux wara tant snin.
Hemm tliet proposti ohra li ukoll ilna nisimghu dwarhom zmien twil u mhux l-ewwel darba li semmew u ftahhru bihom ministri tal-Gvern. Dawn huma il-Masterplan tac–Citadella, ir-riabilitazzjoni tal-widien u l-bini ta’ Waste Transfer Station gdida.
Subscribe to this comment's feed
| < Prev | Next > |
|---|
