Wara li falla milli jikkordina l-awtoritajiet tat-trasport
Id-decizjoni tal-Ministru ghat-Trasport Austin Gatt li jigbor f’struttura wahda t-tliet awtoritajiet tat-Trasport f’dik li mill-bidu tas-sena bdiet tissejjah ATM (Awtorità ghat-Trasport ta’ Malta), qed titqies minn persuni midhla tal-istess awtoritajiet bhala paraventu biex tghatti l-inkompetenza u n-nuqqas kbir ta’ trasparenza li kkaratterizzat l-operat taghhom, minn mindu ha tmexxija taghhom.
Imkejjen qrib dik li kienet l-Awtorità Maltija dwar it-Trasport (ADT) zvelaw ma’ KullHadd li fil-prezent ghaddej manuvrar qawwi biex dawk tal-“klikka” jinghataw pozizzjonijiet b’salarji qawwija u perkacci sostanzjali fl-ATM li bdiet topera ufficjalment minn dak li kien il-Malta Maritime Centre, il-Menqa, il-Marsa.
“Bi staff demoralizzat u konfuz, kien biss issa li l-ministru Austin Gatt ta l-go ahead biex jinhargu sejhiet ghall-applikazzjonijiet ghal diversi postijiet fl-awtorità l-gdida. Ghaddew sentejn u kien biss issa li ddeciedew li jikkonsidraw il-pozizzjonijiet ewlenin. Min qieghed imexxi lil min,” staqsew l-imkejjen taghna qrib l-awtorità waqt li zvelaw maghna ismijiet ta’ whud mill-persuni li qed jigu kkonsidrati ghal dawn il-postijiet.
Dawn jinkludu lil Daniel Borg Mizzi, li sallum baqghet tokkupa l-kariga ta’ Ufficjal ghar-Relazzjonijiet Pubblici tal-ADT, Konrad Pule ufficjal imlahhaq fl-ADT, Gilbert Aguis manager f’dak li kien id-Direttorat tal-Licenzji u l-Ittestjar (LTD) u Vince Micallef Pule.
“Ovvjament l-applikazzjonijiet li nfethu huma farsa shiha ghax “tal-klikka” digà jafu fejn se jsibu ruhhom”, qalu l-imkejjen taghna f’din l-awtorità l-gdida bl-istess ucuh.
Fost il-karigi krucjali li thallew battala f’dawn is-sentejn u li mistennija jimtlew fil-gimgat li gejjien hemm dak ta’ Corporate Services Directorate, Senior Manager (Finance), Financial Controller, Human Resources-Senior Manager, Media and Customer Care-Senior Manager, Land Transport Directorate-Chief Operating Officer, Road Transport Licensing-Senior Manager Public Scheduled Transport Manager, Port Directorate, Chief Operating Officer u Senior Manager Merchant Shipping Directorate u Senior Manager (Technical).
F’Dicembru li ghadda, KullHadd zvela li t-tmexxija tal-Awtorità l-gdida kienet se tkun f’idejn l-oghla ufficjali ta’ dik li kienet l-Awtorità Marittima Maltija (MMA), b’Mark Portelli mahtur minn Austin Gatt bhala Chairman tal-ATM.
Din l-ahbar kienet ikkonfermata minn stqarrija li hareg il-Ministru Gatt gimgha wara fejn qal li l-Kabinett kien approva lil Portelli bhala Chairman tal-awtorità l-gdida waqt li Simon Vella, eks Chairman Ezekuttiv tal-ADT spicca rrelegat b’dizappunt kbir ghalih personali ghal chairman ta’ wiehed mit-tliet kumitati godda tal-Awtorità l-gdida.
Baqghu jithallsu l-eluf
Xahar ilu, proprju fil-11 ta’ Dicembru li ghadda KullHadd staqsa lill-kelliema tal-Ministru Austin Gatt jekk l-ufficjali li sa dakinhar kienu ghadhom qeghdin jokkupaw il-karigi ta’ chairman u/jew chairman ezekuttiv fl-ADT, l-MMA u l-Avjazzjoni Civili u li kienu se jigu rrelagati ghal pozizzjoni ta’ chairman ta’ kumitat fl-ATM, kinux se jibqghu bl-istess salarji, perkacci u beneficcji kbar ohra li kienu jgawdu minnhom kemm damu fil-karigi rispettivi taghhom.
Ghalkemm ghadda xahar minn mindu bghatna l-mistoqsijiet taghna, il-Ministeru ta’ Austin Gatt baqa’ ma ta l-ebda spjegazzjoni dwar kemm fondi pubblici se jkunu qeghdin jintuzaw biex jiffinanzjaw din l-awtorità.
Din l-attitudni ssegwi l-atteggjament adottat minn Daniela Borg Mizzi, fl-ahhar sentejn fejn diversi artikli u ittri fil-gurnali bi kritika ghall-ADT bhal dawk ta’ Lorna Borg, Anthony Girard u Undine Lieberwirth baqghu sallum mhux imwiegba. L-istess attitudni kienet adottata fil-konfront ta’ numru ta’ gurnalisti fejn baqghu bla twegibiet ghall-mistoqsijiet mibghuta lill-PRO tal-ADT.
Dan il-fatt kompla johrog fid-deher nhar il-Hamis li ghadda, meta Borg Mizzi rrifjutat li tattendi ghall-programm Realtà li jixxandar fuq ONE TV, minkejja l-istedina kontinwa li saret mill-prezentatur.
Interesssanti l-fatt li l-ewwel persuna li deheret fuq it-televizjoni jirrapprezenta lill-ATM f’dibattitu pubbliku kien konsulent anzjan part-time ta’ dik li kienet l-ADT u li ma kellu l-ebda twegiba ghall-mistqosijiet skjetti li ghamillu l-prezentatur.
Fil-fatt il-konsulent part-time li ntbaghat jirrapprezenta lill-Awtorità l-gdida ma wiegeb xejn matul il-programm dwar bosta progetti li kellhom jitwettqu mill-ADT f’diversi toroq, bhall-progett ta’ Triq Anton Buttigieg, iz-Zejtun u l-progett ta’ foot bridge fil-bypass tal-Imriehel biex jitnaqqsu l-fatalijiet li jsehhu minn zmien ghal zmien f’dawn it-toroq. Tul il-programm deher evidenti li l-konsulent part-time ma kienx infurmat b’dak li kien ghaddej fl-ADT u evita kemm seta’ mistoqsijiet diretti li kellha l-obbligu li twiegeb Daniela Borg Mizzi (impjegata specifikament ghal dan ix-xoghol), bhal fil-kaz ta’ fejn marru l-flus ghall-kampanja Safety First, imnedija mill-eks ministru tat-Toroq Jesmond Mugliett dwar is-sigurtà fit-toroq Maltin.
Kumpens iehor minn fondi pubblici
Intant wara li fl-20 ta’ Dicembru li ghadda zvelajna r-rizenja baxx baxx ta’ Ray Attard minn Kap Ezekuttiv tal-ADT, KullHadd jista’ jikkonferma li t-tax payers se jkunu qeghdin johorgu eluf kbar ta’ ewro f’kumpens. Dan ghall-fatt li Attard kellu l-impjieg tieghu tterminat sena qabel ma ntemmlu l-kuntratt mal-ADT. Dan il-kumpens minn fondi pubblici jsegwi dak ta’ Anna Cali, maghrufa bhala Anna Padovani li nghatat is-somma ta’ €35,000 minkejja li bord ta’ inkjesta mahtur mill-istess awtorità kkonkluda li din l-ufficjal uriet nuqqas ta’ kompetenza meta kienet qed tmexxi process ta’ reklutagg li rrizulta li kien wiehed irregolari.
Subscribe to this comment's feed
| < Prev | Next > |
|---|
