L-attenzjoni tal-media internazzjonali, kmieni din il-gimgha iffokat fuq it-tragedja kbira li sehhet f’Haiti. Terremot devastanti hasad il-hajjiet ta’ eluf kbar ta’ nies, ghamel herba f’pajjiz li kien gia mifni b’faqar kbir. Persuni li tilfu hajjithom taht it-tifrik ta’ dan id-dizastru naturali. Hajjiet li intilfu wkoll minhabba n-nuqqas kbir ta’ servizzi ta’ salvatagg li ghandu dan il-pajjiz.
L-ahbar wasslet biex diversi pajjizi jibghatu l-ghajnuna umanitarja f’dan il-pajjiz li irid litteralment jinbena’ mill-gdid wara dak li sehh. F’pajjizna wkoll inbdew diversi inizjattivi biex jingabru oggetti u flus b’risq din il-popolazzjoni fqira li kompliet titlef mix-xejn li kellha.
F’sitwazzjonijiet bhal dawn, l-inizjattivi li jkollu pajjizna dejjem iwasslu biex l-ghajnuna tkun wahda sostanzjali u tkompli turi kemm ahna l-Maltin, lesti biex nohorgu minn triqitna biex nghinu lil min ghaddej minn zmien difficli jew minn mumenti bhal dawk li ghaddejja minnu l-popolazzjoni ta’ Haiti.
Pajjizna jiftahar b’dan il-valur tas-solidarjeta’ u tista’ tghid li hija karatteristika ewlenija taghna li nkunu lesti li nghinu meta naraw kawza gusta. Imma f’sitwazzjonijiet bhal dawn, filwaqt li ninghaqad fl-appelli li qed isiru biex nghinu lill-vittmi tat-terremot ta’ Haiti, wiehed jistaqsi kif qed napplikaw is-solidarjeta’ f’pajjizna illum.
Bl-ebda mod ma rrid naghmel xi paragun bejn id-diffikultajiet li qed jiffaccja l-Haiti jew il-fqar li tant ibaghti dan il-pajjiz, izda fl-affluenza li jgawdi minnha pajjizna hija r-realta’ li qed jghix kullhadd f’pajjizna? Kullhadd ghaddej minn sitwazzjoni li ghandu livell ta’ eghjxien dicenti u li jirrispekkja is-sens ta’ abbundanza li xi kull tant inpingu f’mohh in-nies?
Il-faqar, kif tradizzjonalment mifhum, ma tistax tghid li huwa attwalita’ f’pajjizna izda l-incidenza li persuni imissu mal-linja tal-faqar qeghdha tizdied. Dan huwa fatt inkwetanti. Matul din il-gimgha, f’konferenza organizzata mill-Partit Laburista u kordinata mid-Deputat Mexxej Anglu Farrugia, hareg b’mod car illi aktar tfal Maltin qeghdin imissu mal-linja tal-poverta’ liema fatt qed iwassal ghal aktar eskluzjoni socjali. Dan huwa inaccettabbli.
Pajjizna matul is-snin, kien xhieda hajja tal-valur tas-solidarjeta’ mill-mod kif il-poplu jwiegeb ghal sejhiet ta’ ghajnuna, izda fuq livell nazzjonali ha diversi mizuri biex jeghleb l-eskluzjoni socjali. Il-faqar, anke’ jekk relattiv, huwa wiehed milli fatturi li johloq l-eskluzjoni socjali izda mhux l-uniku fattur. Matul is-snin, pajjizna bena’ xibka socjali biex tindirizza forom ta’ eskluzjoni socjali li mill-gdid wasal iz-zmien li nistqasu kemm din illum hija effettiva u kif nistghu nergghu insahhuha.
Ma jistax ikun li minn banda nitkellmu dwar il-valur tas-solidarjeta’ izda fl-istess hin ma nassigurawx li din verament tkun dejjem u kullimkien. Kull decizjoni li tittiehed f’pajjizna trid tkun qed tirrispetta dan il-valur u ghajb ghal dawk id-decizjonijiet li jwasslu biex b’daqqa ta’ pinna, aktar nies jiffaccjaw diffikultajiet godda li jwasslu ghall-eskluzjoni socjali.
Dan kollu jiddependi mis-sensittivita’ li min imexxi ikollu. Min imexxi irid ikun verament jimpurtah mill-kwalita’ tal-hajja li tghix kull persuna f’pajjizna. Ic-cirkostanzi tal-familji kollha Maltin u Ghawdxin ghandu jittiehed kont taghhom u mhux decizjoni mehud skond numri pprezentati f’xi prezentazzjoni kollha grafika izda maqtugha mir-realta’ li partjiet mis-socjeta’ qed jghixu.
Bhalma tajna importanza lil dan il-valur fil-passat, hekk jehtieg li nwettqu fil-futur. Illum, f’kuntest ta’ shubija fl-Unjoni Ewropea, jehtieg li naraw li l-messagg ewlieni ghal din is-sena li flimkien nindirizzaw u niggieldu l-faqar u l-eskluzjoni socjali fl-Unjoni Ewropea isir realta’. Mhux bizzejjed meta nghidu li z-zmien ta’ ricessjoni jwassal ghal aktar diffikultajiet. Jehtieg nifhmu ghalfejn il-fenomenu tal-faqar qieghed jizdied. Jehtieg li nkomplu nkunu solidali ma’ dawk kollha li soffrew din il-gimgha f’dizastru naturali izda ma nistghu ninsew qatt li madwarna jista’ jkun hemm min qed jistenna li nkunu solidali mieghu wkoll.
www.zrinzo.info
Subscribe to this comment's feed
| < Prev | Next > |
|---|
