Carlo Schembri, Direttur Artistiku fl-Ufficcju tal-Prim Ministru Lawrence Gonzi thallas apparti s-salarju tieghu, is-somma ta’ €39,400 fi hlasijiet addizzjonali fuq il-progett ta’ Pjazza San Gorg, jista’ jizvela KullHadd minn sorsi qrib ministeru tal-gvern.
Fl-ahhar jiem, dan il-gurnal gie mgharraf li skont il-procedura normali, xoghol bhal dak li tqabbad jaghmel Carlo Schembri fi Pjazza San Gorg, is-soltu kien isir ‘in house’ permezz tal-professjonisti li ghandu l-gvern fi Project House, il-Furjana, li hija entità governattiva u li ghalhekk ma jkunx hemm hlasijiet addizzjonali fuq ix-xoghol li jsir.
Madankollu, fl-ahhar xhur l-Ufficcju tal-Prim Ministru holoq kariga ta’ Direttur Artistiku biex eventwalment Carlo Schembri, li ghandu hbiberija kbira ma’ Edgar Galea Curmi li huwa s-Segretarju Personali tal-Prim Ministru, ikun jista’ jwettaq xoghol bhal dak li tqabbad jaghmel fi Pjazza San Gorg.
L-imkejjen taghna sostnew li minkejja l-kariga li nghata fl-Ufficcju tal-Prim Ministru, Carlo Schembri thallas apparti s-salarju tieghu, is-somma ta’ €39,400 fi hlasijiet extra.
Mistoqsi minn KullHadd jekk saritx sejha pubblika ghall-kariga li nghata Carlo Schembri fl-OPM, kemm thallas apparti s-salarju tieghu fuq il-progett ta’ Pjazza San Gorg u x’kienet ir-raguni li xoghol bhal dak li sar minnu mhux qed ikun fdat lill-professjonisti li digà ghandu l-gvern, Gordon Pisani, il-Kap tal-Komunikazzjoni tal-Prim Ministru kkonferma li ma saret l-ebda sejha ghall-applikazzjonijiet ghal dan l-impjieg u li Schembri thallas €39,400 apparti s-salarju tieghu.
“L-ghazla saret fuq il-kapacitajiet artistici tal-persuna. Id-Direttur Artistiku fuq progetti urbani jikkumplimenta xoghol li jsir minn haddiema u professjonisti fis-servizz pubbliku, li jaghtu servizz tajjeb kif urew fi progetti li gew inawgurati matul l-2009 bhalma huma Pjazza San Gorg, Pjazza Sant’Anna u l-Adventure Park f’Ta’ Qali. Dwar il-progett ta’ Pjazza San Gorg infurmat li l-invoices sottomessi jammontaw ghal €39,400,” qal Pisani.
Aktar tard huwa baghat jgharrafna li: “ghal precizjoni l-ammont globali jinkludi wkoll hlasijiet marbuta ma’ servizzi ta’ animazzjoni, xoghlijiet fuq immagini kompjuterizzati, disinji artistici ezekuttivi u proto-typing u rifuzjoni ghal spejjez maghmula.”
“Lorded over by a hand-picked interior designer”
F’Awwissu li ghadda, KullHadd irrapporta kif Manuel Delia, il-Kap tas-Segretarjat tal-Ministru Austin Gatt kellu jirtira kummenti dispreggjattivi li ghadda fil-konfront tal-periti tal-gvern, meta b’mod anonimu f’gurnal bl-Ingliz sejjah lill-periti Maltin li huma tajbin biss ghal xi pavimentar jew promenade ma’ xi bajja.
Il-kummenti ta’ Delia, kienu ppubblikati fi storja li xxandret f’The Times dwar il-progett ta’ Bieb il-Belt fit-30 ta’ Lulju 2009 bit-titlu “Piano had no written Brief. B’mod anonimu Delia ta x’jifhem li l-periti tal-gvern ma kinux kapaci jaghmlu l-progett ta’ Bieb il-Belt, izda li kienu tajbin ghal xi pavimentar jew xi promenade ta’ xi bajja.
B’reazzjoni ghal din l-offiza, zewg ittri fl-istess gurnal mill-President tal-Kamra tal-Periti Vincent Cassar u mill-Union tal-Periti u l-Inginieri tas-Servizz Pubbliku (UPISP) kkundannaw bil-qawwa l-kummenti li saru u talbu li ssir apologija fil-konfront taghhom mill-Ministru Austin Gatt, liema apologija waslet hmistax wara meta Delia assuma r-responsabblità ta’ dak li kien qal b’mod anonimu fil-konfront tal-periti tal-gvern.
Interessanti l-fatt li fl-ittra li l-Union tal-Periti baghtet b’reazzjoni ghall-kummenti ta’ Delia f’Awwissu li ghadda, kienet saret ukoll referenza indiretta ghal Carlo Schembri fejn inghad li kien inaccettabbli u li jmur kontra l-etika professjonali taghhom li kienu qeghdin jigu mghassa minn dan il-“hand-picked interior designer” f’hafna mill-progetti li kienu qed jaghmlu. Fl-istess waqt talbu lill-gvern biex darba ghal dejjem ma jibqax jittrattahom bhala professjonisti tat-tieni klassi.
Minkejja l-appell b’sahhtu li sar mill-Union tal-Periti f’Awwissu li ghadda, il-Gvern baqa’ ghaddej tant li fuq il-progett tal-Pjazza San Gorg dan “il-hand picked interior designer” thallas €39,400 minn fondi pubblici ghal xoghol li facilment seta’ sar in house permezz tal-professjonisti li hemm fi Project House.
Subscribe to this comment's feed
| < Prev | Next > |
|---|
