It-tnehhija tal-kariga ta’ Segretarju Generali kif imhaddma mill-1977 lil hawn fil-Partit Laburista kien ilu jinhass il-bzonn taghha. Dan hareg minn zewg rapporti li l-PL kkummissjona wara t-telfiet elettorali tal-2003 u l-2008. Fil-PL kien hemm sitwazzjoni fejn zewg kaptani kienu mahtura jmexxu l-istess bastiment.
Dawk illi kienu qed jistaqsu fejn huma t-terremoti mwieghda, jistghu jaraw illi qed jitwettqu. Fil-fehma tieghi dan it-terremot imissu sehh sena u nofs ilu, izda ahjar tard milli qatt. It-terremoti huma mehtiega f’kull organizzazzjoni. Ghalkemm l-istabbilità toffrilek kontinwazzjoni f’hidmietek, l-istagnar joffri biss nuqqas ta’ motivazzjoni.
Nemmen li rigward iz-zghazagh fil-PL hemm bzonn li flok isiru t-terremoti, jinholqu strutturi godda li jkunu jistghu jiffacilitaw din il-hidma zaghzugha, kemm ghal dawk iz-zghazagh li huma attivi fil-lokalità taghhom, u anki ghal dawk iz-zghazagh li ghandhom funzjoni nazzjonali fi hdan il-PL.
Iz-Zghazagh
F’dawn l-ahhar sena u nofs rajna t-twaqqif ta’ diversi ferghat taz-zghazagh madwar Malta. Dawk ta’ Rahal il-Gdid u ta’ Hal-Ghaxaq jistghu iservuna ta’ ezempju. F’kull lokal li l-PL ghandu kumitat lokali, ra li jinhatar ufficjal taz-zghazagh sabiex jikkordina l-hidma zaghzugha fil-lokal li jkun gej minnu.
Il-Forum Zghazagh Laburisti (FZL) nistghu nghidu li jservi ta’ ezekuttiv nazzjonali fil-ko-ordinament tal-hidma zaghzugha fi hdan il-partit. Dan qed jaghmel hidma tajba permezz tal-appogg tieghu liz-zghazagh attivi fil-lokalitajiet taghhom u anki permezz ta’ koordinament ma’ ghaqdiet xellugin u progressivi taz-zghazagh li nsibu f’pajjizna.
Madankollu nemmen li ghandha tinholoq holqa bejn il-livell nazzjonali u dak lokali.
Tezisti l-htiega li jinholoq ufficjal regjonali ghaz-zghazagh. Peress li d-distretti elettorali huma tlettax, u l-PL ghandu struttura ibbazata fuq id-distretti, tajjeb li jkunu tlettax l-ufficjali regjonali ghaz-zghazagh. Dan ifisser li jkun mahtur wiehed fuq kull distrett.
Ir-rwol taghhom
Ir-rwol ta’ dawn l-ufficjali regjonali ghaz-zghazagh ikun li jikkoordina l-hidma taz-zghazagh fid-distrett. Jaghmel dan billi fil-bidu ta’ kull sena jlaqqa’ l-ufficjali zghazagh tal-lokal fid-distrett li jkun gej minnu, sabiex jitfassal pjan ta’ azzjoni. B’hekk iz-zghazagh tad-distrett jahdmu b’iktar kuntatt u sinkronizzazzjoni bejniethom. Ikun fid-dmir tieghu li jsolvi diffikultajiet li jinqalghu minn zmien ghal zmien, u dan jaghmlu b’konsultazzjoni mal-FZL.
Nifhem li jonqos nitilghu xi targiet ohrajn qabel naslu f’dan l-istadju. L-ewwel jehtieg li aktar lokalitajiet jiffurmaw ferghat lokali zghazagh. Jehtieg li jsiru laqghat mal-ufficjali taz-zghazagh u l-kumitati distrettwali sabiex dan il-progett jaghmluh il-progett taghhom ukoll.
Biex taqdi funzjoni f’partit politiku m’hemmx ghalfejn tkun delegat. Certament li ufficjal regjonali ghaz-zghazagh ikun jrid jaghti rendikont tal-hidma tieghu kemm lill-Kumitat Distrettwali u anki lill-FZL. Jekk jinhass li ghandu jkun delegat fil-PL, tajjeb li jkun kunsidrat li dan ikun wiehed mit-tlett delegati li saru jinhatru f’kull kumitat distrettwali. B’hekk tizdied il-partecipazzjoni taz-zghazagh f’livell distrettwali, u tinholoq il-holqa mehtiega bejn il-livell nazzjonali u dak lokali f’dan ir-rigward.
B’hekk il-FZL ikun kapaci li jkollu grupp ta’ tlettax-il persuna li minn zmien ghal zmien ilaqqaghhom biex jinghata rendikont ta’ diffikultajiet partikolari li jkunu qed jigu iffaccjati u jkun aktar f’qaghda li jikkoordina l-hidma nazzjonali fdata f’idu.
Is-Sentejn mehtiega
Nifhem li jinhtiegu sentejn biex inwasslu din il-vizjoni fis-sehh. L-ewwel sena tkun iddedikata biex jitwaqqfu aktar ferghat taz-zghazagh fil-lokalitajiet u tibda tinbiegh din l-idea fil-livelli kollha tal-partit. Fit-tieni sena tibda tithaddem din is-sistema bhala progett pilota. Wara, fil-Konferenza Generali li tkun tmiss titressaq mozzjoni sabiex dan kollu jsir parti mill-istruttura ufficjali tal-PL, u jkun marbut b’regolamentazzjoni apposta.
Ghazilt li nikteb dan f’organu pubbliku sabiex din l-idea tasal bl-aktar mod wiesgha fost dawk li huma attivi fil-partit u aktar u aktar fost iz-zghazagh li l-htiega tal-hidma taghhom fil-PL ma tonqos qatt.
www.xellugi.blogspot.com
This e-mail address is being protected from spambots. You need JavaScript enabled to view it
Subscribe to this comment's feed
| < Prev | Next > |
|---|
