Bejn id-29 ta’ Jannar u s-7 ta’ Frar li gej, se tiltaqa’ l-Konferenza Generali Annwali tal-Partit Laburista li se tiddiskuti fost affarijiet ohra, mozzjoni programmatika importanti dwar id-direzzjoni politika li se jiehu l-PL fis-snin li gejjin. F’din l-intervista qasira, id-Deputat Mexxej tal-PL Dr. Toni Abela, jaghti l-fehmiet tieghu lil KullHadd dwar is-sinifikat tal-Konferenza Generali ta’ din is-sena.
Nisimghu kull sena li waslet il-Konferenza Generali Annwali tal-Partit Laburista. Xi tfisser Konferenza bhal din?
Il-Konferenza hija kollox. Bhal kull partit politiku li jhaddan id-demokrazija interna tal-Partit, din hija l-oghla organu u ghandha s-setgha li tiddeciedi fuq mozzjonijiet u kull kwistjoni li titressaq quddiemha. Hija maghmula minn delegati, li kull wiehed minnhom ghandu mandat minn membri tal-Partit li jelegguhom biex f’isimhom jezercitaw din is-setgha li tigi fdata lilhom. Fi ftit kliem, il-konferenza hija id-distillazzjoni tar-rieda ta’ eluf ta’ membri imsiehba fil-Partit Laburista.
Izda mhux kull delegat huwa elett?
Veru ukoll. Il-parti kbira minnhom izda huma eletti. Hemm delegati li jkunu gew maghzula ukoll mill-ferghat tal-Partit bhalma huma l-Forum Zghazagh Laburisti, Veterani, Nisa, Grupp Parlamentari u issa il-Fondazzjoni Ideat . Dawn ghandhom esperjenzi ta’ attivizmu politiku li mhux l-istess bhal dak l-attivizmu politiku li jigi mill-gheruq u c-centri politici imxerrda ma’ Malta kollha. Aktar minn hekk, din id-darba ser ikollna innovazzjoni li tikkonsisti f’numru zghir ta’ delegati ghal sena wahda biss, li huma maghzula mill-Partit, ta’ nies li ghandhom hiliet specjalizzati biex b’hekk ikollna prezenti fostna varjetà ta’ ideat. Allura kif qieghed tara, qeghdin imorru ghal tilqima bejn esperjenzi minn kull saff tas-socjetà .
Ser nisimghu b’innovazzjonijiet ohrajn?
Iva. Ibda biex din hija l-ewwel Konferenza wara l-emendi recenti li saru fl-Istatut. Ser tkun konferenza izghar u b’anqas elezzjonijiet ta’ karigi li qabel kienu jahlu hafna energija li tista’ tigi indirizzata ahjar.
Karigi bhal dik ta’ Chairman tal-Fondazzjoni Ideat, l-Amministratur Finanzjarju, u jekk ikun hemm qbil fuqu l-hatra ta’ Segretraju ghall-Ezekuttiv u l-Amministrazzjoni, ser jibdew jinhatru fuq kriteji teknici minn organi ohrajn tal-Partit, b’mod partikulari l-Ezekuttiv tal-Partit. Il-hsieb wara dan kollu huwa li mhux biss li naccertaw ghazliet ta’ kompetenza teknika, izda li nkunu aktar iffukati fuq kwistjonijet ta’ sustanza.
Dan ifisser li lill-Konferenza tnaqqsulha is-setghat ?
Xejn minn dan. Dan ifisser li d-delegati taghna qeghdin jirrikonoxxu li z-zminijiet qeghdin jinbiddlu u li ghandu jkun hemm aktar spazju ghall-rizorsi politici u umani cari u kompetenti. Izda il-Konferenza dejjem tibqa’ l-organu li x’hin trid tista’ tibdel. Din is-setgha tinsab ankrata fl-Istatut li jistabbilxxi li l-maggoranza tad-Delegati dejjem jistghu jaghmlu dawk l-emendi li jidhrilhom li ghandhom isiru fl-Istatut. Ghalhekk il-Konferenza Generali baqghet dejjem is-sors ta’ kull awtorità fil-Partit. Fi ftit kliem il-Konferenza hija l-organu li taghti s-setgha u li tiehu l-istess setgha.
X’ser jikkaraterizza din il-Konferenza partikolari ?
Ser ikun hemm tlett affarijiet ewlenin.
L-ewwel haga fuq livell organizzattiv. Kuntarjament kif isir is-soltu, ser tkun mifruxa fuq gimgha shiha b’workshops li ser jinzammu f’postijiet differenti fejn ser ikunu diskussi temi differenti li jolqtu l-politika tal-Partit. Dan ikompli jikkumplimenta l-htiega ta’ aktar specjalizzazzjoni u li nkunu aktar iffokati. F’dawn il-workshops ser jiehdu sehem nies li mhux necessarjament ikunu delegati.
It-tieni haga ser tkun il-prezentazzjoni ta’ aktar emendi fl-ghazla ta’ certi karigi biex inkomplu nehilsu mit-toqol ta’ mekkanizmi elettorali fi hdan il-Partit li mhux necessarjament jipproducu dak li jkollu bzonn il-Partit fil-mument li jkun ghaddej minnu.
It-tielet haga, u din ser tkun il-qalba tal-Konferenza, il-mozzjoni li ser titressaq mill-Mexxej Joseph Muscat. Ser tkun mozzjoni programmatika u li tipprogetta l-politika tal-Partit ghall-gejjieni qarib. Din ser tkun mozzjoni li taghraf il-htiega ta’ bidla kulturali ta’ kif fassalna l-politika taghna sa issa. L-emfazi tal-mozzjoni huwa principalment mibni fuq ir-rikonnoximent li s-socjetà Maltija inbiddlet radikalment, tant li parti sostanzjali mill-elettorat m’ghadux jaghraf fiz-zewg partiti l-aspirazzjonijiet socjo-ekonomici tieghu.
F’din il-mozzjoni wiehed jara l-qafas ta’ principji politici li bhal issa qeghdin jitlahhmu fil-Partit u li ser ikunu l-pjattaforma li minn fuqha ser imorru ghall-elezzjoni generali li jmiss. Dawn jistghu jaslu qabel zmienhom.
Subscribe to this comment's feed
| < Prev | Next > |
|---|
