“Irridu nharsu lejn Ewropa li tkun aktar socjali. Ewropa fejn il-persuni b’dizabbiltà, u n-nies tax-xoghol ikunu protetti. Ewropa li tiggarantixxi edukazzjoni u sahha b’xejn ghal kulhadd. Ghal dan kollu rridu Unjoni b’sahhitha u kompetittiva.” Hekk sahqet l-Ambaxxatrici Spanjola ghal Malta, Maria Isabel Vicandi Plaza, meta kienet qed titkellem dwar il-prioritajiet tal-Presidenza Spanjola ghall-UE.
F’intervista ma’ dan il-gurnal, li se tkun ippubblikata il-gimgha d-diehla, Vicandi Plaza titkellem ukoll dwar il-problema tal-immigrazzjoni llegali u tishaq li l-pajjizi l-aktar milquta minn dan il-fenomenu, inkluzi Malta u Spanja, ghandu jkollhom is-solidarjetà tal-pajjizi membri.
“Bl-istess mod kif l-eks Prim Ministru Malti Dom Mintoff kien qal li l-Ewropa ma jkollix sigurtà jekk il-Mediterran ma jkunx protett, ahna nemmnu li l-istess jista’ jigi applikat ghas-sitwazzjoni fil-pajjizi tat-Tielet Dinja. Is-sigurtà, il-paci u l-kontroll ta’ l-immigrazzjoni ma jkunux solvuti sakemm ma niggarantux li dawn il-pajjizi jkollhom ir-rizorsi ekonomici biex jaghtu lic-cittadini taghhom hajja dinjituza,” sahqet Vicandi Plaza.
Mistoqsija minn dan il-gurnal dwar it-thejjijiet li Malta trid taghmel ghall-Presidenza, hija stqarret li ghalkemm l-2017 tidher data kemmxejn ‘il boghod, wiehed irid jipprepara tajjeb ghaliex iz-zmien malajr jasal.
Fl-intervista, Maria Isabel Vicandi Plaza titkellem fid-dettall dwar temi ohrajn, fosthom it-Trattat ta’ Lizbona, l-bzonn ta’ messagg politiku Ewropew maghqud, il-faqar, kif ukoll il-kwistjoni dwar id-dhul tat-Turkija fl-UE.
Subscribe to this comment's feed
| < Prev | Next > |
|---|
