Is-Sindku tas-Siggiewi Robert Musumeci sfida lill-Prim Ministru Lawrence Gonzi meta l-bierah tefa’ n-nomina tieghu ghall-elezzjoni kazwali fuq is-sitt distrett elettorali.
Lawrence Gonzi ma riedx lil Musumeci jitfa’ l-kandidatura tieghu, tant li minn taghrif li ghandu KullHadd, Gonzi qal dan lil Robert Musumeci f’wiccu f’laqgha li ghaliha kien hemm ukoll is-Segretarju Generali tal-Partit Nazzjonalista Paul Borg Olivier.
Fl-istess waqt kienet ghaddejja wkoll kampanja qalila fejn Musumeci safa taht attakk feroci, fuq il-blogg ta’ opinjonista Nazzjonalista notorja.
Minkejja dan, il-bierah, fit-tieni jum li l-Kummissjoni Elettorali kienet qed tilqa’ n-nomini, Robert Musumeci tefa’ l-kandidatura tieghu.
Mistoqsi minn dan il-gurnal x’kienet ir-raguni li ghazel li jikkontesta din l-elezzjoni kazwali, hu sostna li : “Huwa process naturali li wiehed jikkontesta fl-elezzjoni kazwali, la jiena parti mill-mekkanizmu.”
Anki t-Tabib Peter Micallef u kunsillier tal-Partit Nazzjonalista tefa’ l-kandidatura tieghu ghas-siggu tbattal wara li John Dalli sar Kummissarju Ewropew.
Eligibbli wkoll ghal din l-elezzjoni kien l-Ispeaker tal-Kamra tar-Rapprezentanti Louis Galea, li ddikjara li mhux se jitfa’ n-nomina tieghu u minflok se jkun appuntat fil-Qorti tal-Awdituri tal-Unjoni Ewropea.
Minkejja li z-zewg kandidati li kellhom cans jitfghu n-nomina ghamlu dan, il-process li bih jintlaqghu n-nomini se jibqa’ miftuh sa nhar it-Tlieta bl-elezzjoni kazwali issir nhar il-Hamis li gej 18 ta’ Frar.
Subscribe to this comment's feed
| < Prev | Next > |
|---|
