ShareValletta pattew xi ftit ghad-dizappunt li kellhom kontra Birkirkara fil-kampjonat b’rebha meritata fil-U Bet FA Trophy fejn issa ghaddew ghas-semi finali.  Huma kellhom bidu bi grinta fejn ftit taw cans lil B’Kara jsibu saqajhom u letteralment harbtu d-difiza Karkariza.  Fil-fatt huma damu kmandi ghal hafna hin bl-avversarji jsibuha difficli biex joholqu okkazjonijiet ta’ gowls.
Iz-zewg gowlers l-aktar li kienu impenjati kien fit-tieni taqsima.  Valletta deheru li hargu minn qoxrithom wara t-tkeccija ta’ Gilbert Agius u hawn spikka ferm il-gowler Mora ta’ B’Kara bis-soliti interventi sbieh tieghu, li bihom naqqas hafna d-dannu li seta’ sar lit-tim Karkariz.  Din ir-rebha zgur li tgholli xi ftit il-moral tal-Beltin fil-kampjonat avolja mhux kollox jiddependi minnhom jekk jirbhux il-kampjonat jew le.
Il-partita bdiet mill-ewwel b’gowl.  Fis-sitt minuta azzjoni mix-xellug ta’ Doding ghal Valletta li qassam fil-baxx lejn JAMIE PACE li b’xutt ukoll fil-baxx fetah li skor.   Minuta wara cans tajjeb ghal Mifsud li jirdoppja meta rcieva minghand Briffa u xxuttja b’sahhtu izda l-ballun kien imblukkat f’korner.  Mill-istess korner kien Doding li xxuttja izda l-gowler Mora salva.
Fl-20 minuta azzjoni mil-lemin ta’ Cilia ghal B’Kara li fajjar xutt li l-gowler Hogg salva.
Fit-22 minuta kross ta’ Briffa mil-lemin u daqqa ta’ ras ta’ MICHAEL MIFSUD ma tat ebda cans lil Mora jsalva.
Fit-32 minuta xutt perikoluz tal-istess Mifsud kien imdawwar f’korner u fuq in-naha l-ohra zewg minuti wara Cilia mil-lemin qassam lil Pulo li x-xutt mal-art mil-qrib tieghu ghadda ftit barra.
Fil-bidu tat-tieni taqsima l-gowler Mora ta’ B’Kara kien prominenti meta b’harga tajjar ftit qasir il-ballun li gie ghand Doding li xxuttja fil-baxx u Mora rega’ salva b’saqajh bil-ballun ikun finalment ikklerjat  mid-difiza.
Fid-49 minuta Bajada ghal B’Kara seraq ballun lid-difiza, xxuttja u salva l-gowler Hogg.
Fl-54 minuta korner ta’ G Agius jistampa mal-wieqfa u zewg minuti wara kross ta’ Cilia mil-lemin ghal B’Kara u daqqa ta’ ras ta’ Galea tghaddi ftit gholi.
Fit-63 minuta harba mil-lemin ta’ Briffa ghal Valletta, kross perikoluz fil-baxx  isalva Mora.
Fil-65 minuta tkecca Gilbert Agius wara li dan intwera l-karta s-safra u fuq xi kummenti li ghadda lir-referee dan urieh mill-ewwel il-karta l-hamra.
Fis-70 minuta pass iehor ta’ Briffa, din id-darba lejn Mifsud li dahal qrib u xxuttja b’sahhtu bil-ballun imur gholi.
Fil-81 minuta kross mix-xellug minn Zerafa, ghola tajjeb MICHAEL GALEA u b’daqqa ta’ ras sabiha gheleb lil-gowler Hogg fil-lasta ta’ Valletta.
Tliet minuti wara kross ta’ Zerafa u Hogg imblokka x-xutt ta’ Cilia.
Fit-88 minuta Cruyff ta’ back pass qasir u l-gowler Hogg kellu jsalva qabel jilhaq Cilia. Immedjatament wara Doding ghal Valletta qassam lejn Mifsud li wahdu quddiem Mora xxuttja u laqat il-lasta l-wieqfa.
Fit-93 minuta Mifsud approfitta minn zball u pprova jqabbez minn fuq il-gowler Mora izda l-ballun marlu gholi biex fl-94 minuta Valletta ziedu gowl iehor meta Mifsud qassam lejn DECLAM O’BRIEN li wahdu quddiem Mora, xxuttja bil-ballun jahbat mal-wieqfa qabel jispicca fix-xibka.
VALLETTA : Hogg, Cruyff, Briffa (O’Brien 77), Bezzina, Borg, Pace, Doding, Dimech, G Agius, Scerri (Sammut 63), Mifsud.
B’KARA : Mora, Zerafa, Vukanac, Nisevic, Bajada, Buhagiar, Fenech (Tabone 81), Muscat, Pulo, Galea, Cilia.
REFEREE: Chris Lautier
SKURJAW: Jamie Pace (V) (6 min), Michael Mifsud (V) (22 min), Michael Galea (B) (81 min), Declan O’Biren (V) (94 min).

< Prev		Next >