Ghall-Kumitat Olimpiku Malti, l-14 u l-15 ta’ Mejju kienu dati importanti ghaliex giet stabbilita l-Konfederazzjoni tal-Pajjizi fil Mediterran ghall-Waterski u l-Wakeboard. Malta kien il-post maghzul biex jinzamm l-ewwel Kungress ta’ din il-konfederazzjoni l-gdida.
L-appuntament kellu sinjifikat kbir ghaliex huwa l-ewwel workshop li jittratta aspetti differenti minn dan l-isport. L-ghan huwa li dan l-isport ikun dixxiplina regolari fil-Loghob tal-Mediterran li gejjin. Il-programm mahdum fuq jumejn inkluda l-approvazzjoni tal-istatut u l-izvilupp ta’ programm ta’ waterski u wakeboard fir-regjun tal-Mediterran.
Kienu b’kollox 24 il-pajjizi li ppartecipaw f’dan il-kungress, bir-rapprezentanti jkunu gejjin mill-Albanija, l-Algerija, l-Andorra, Bosnja u Herzegovina, Cipru, Kroazja, l-Egittu, Franza, l-Grecja, Israel, l-Italja, l-Lebanon, il-Libja, Malta, l-Marokk, Monaco, Montenegro, San Marino, Serbja, s-Sirja, Slovenja, Spanja, t-Tunezija u t-Turkija.
Diversi persunaggi fid-dinja sportiva attendew ghall-konferenza stampa.
Fost dawn kien hemm Amar Addadi, President tal-Loghob tal-Mediterran; il-President tal-KOM, l-Imhallef Lino Farrugia Sacco li huwa wkoll il-Kap tal-Kumitat Organizzattiv ghal-Loghob tal-Meditteran li jmiss f’Volos fl-2013; Alain Amade, President tal-Ewropa u l-Afrika (E&A Waterski u Wakeboard Federation (IWWF); Silvio Falcioni, President tal-Federazzjoni tal-Waterski tal-Italja; u l-President u l-Vici President tal-Konfederazzjoni tal-pajjizi Mediterranji.
Subscribe to this comment's feed
| < Prev | Next > |
|---|
