Minn dak li gie rraportat fil-gurnali tal-inqas 444 student se jkunu effettwati mis-sospensjoni tal-programmi Erasmus, Gomenius, Grundtvig, Erasamus u Leonardo. Dan wassal li l-Università ta’ Malta tat parir lill-istudenti biex ma jkomplux bit-thejjijiet taghhom u b’mod partikolari biex ma jidhlux ghal xi obbligazzjoni finanzjarja bhal depoziti ghall-akkomodazzjoni, titjiriet, ecc. sakemm tinhareg notifika ohra.
Wara laqgha bejn il-KSU u l-Agenzija ghall-Programmi tal-Unjoni Ewropea (EUPA), gie rraportat ukoll li skont il-KSU din l-Agenzija kienet qed tfittex fondi alternattivi biex jiffinanzjaw il-progetti li kellhom jigu mhassra minhabba s-sospensjoni tal-programmi li semmejna.
Saru wkoll libelli u nhargu xi stqarrijiet min-naha tal-EUPA u l-Ministeru tal-Edukazzjoni, stqarrijiet li ftit li xejn wiegbu l-mistqosijiet li qed jistaqsu l-istudenti, dawk li kienu qed ihejju progetti u l-poplu.
Mistoqsija li zgur tinteressa l-poplu kollu hi, jekk issa l-Gvern kienx se jipprova jsalva wiccu mal-istudenti universitarji billi jiffinanzja s-safriet ta’ dawn l-istudenti mit-taxxi tal-poplu.
Id-diversi ghaqdiet li pprotestaw u lmentaw dwar dak li gara qed jistaqsu ghaliex il-EUPA ltaqghet biss mal-KSU bhallikieku din id-decizjoni tolqot biss studenti Universitarji. Forsi ghax il-KSU wriet biss thassib u m’ghamlet l-ebda kundanna?
Studenti u dawk li dahlu fi spejjez ghat-thejjija taghhom fil-partecipazzjoni tal-programm Erasmus u programmi ohra qed jistaqsu jekk humiex se jigu kumpensati mill-Awtoritajiet? U jekk se jkunu kkumensati min se jerfa’ l-piz?
Nahseb li qed nesprimi dak li qed jghidu hafna meta nistaqsi:
• Jekk hux minnu li l-Awtoritajiet Lokali, inkluz il-Ministeru tal-Edukazzjoni, kienu jafu li l-affarijiet ma kinux sejrin sewwa, tal-inqas minn disa’ xhur ilu, u baqghu ma rremedjawx ghan-nuqqasijiet li kien hemm biex finalment il-Kummissjoni ssospendiet il-programmi li semmejna?
• Jekk hemmx verità f’dak li qed jinghad li anke rapporti ta’ awditjar interni li saru f’Malta digà kienu gibdu l-attenzjoni tal-Ministeru tal-Edukazzjoni ghal diversi drabi dwar il-mismanagement li kien hemm f’dawn l-ahhar sentejn, u li minkejja dan f’dawn ix-xhur kollha ma sar xejn biex ikunu indirizzati dawn l-irregolaritajiet?
• Jekk hemmx verità f’dak li rraportat parti mill-media, li kien hemm min gibed l-attenzjoni tal-Ministeru tal-Edukazzjoni dwar certu nuqqasijiet u minflok ma nstema’ spicca li gie mwarrab?
• Jekk il-Ministru gietx infurmata mill-EUPA dwar dak li kien qed jigri? Jekk iva, x’ghamlet il-Ministru biex tirrimedja dwar dan?
• Tghid il-Ministru se tiehu taghlima minn dak li gara u meta tigi biex taghti certi karigi thares aktar lejn il-kwalifici u l-efficjenza ta’ dak li jkun, milli jekk xi hadd li jappoggjaha bis-shih?
Ghadni ma nafx car xi tfisser din is-sospensjoni, kemm f’dawk li huma finanzi, kemm f’tul ta’ zmien li se tibqa’ tapplika din is-sospensjoni, x’irid isir biex din is-sospensjoni titnehha.
Veru li l-Ministeru tal-Edukazzjoni fi stqarrija qal li hu : “kommess li jassigura li dawn ir-rakkomandazzjonijiet ikunu implimentati” u li l-Ministru qalet li ordnat biex in-nuqqasijiet jigu indirizzati, izda mbaghad din ma spjegatx b’mod fattibbli kif ser isir dan.
Veru wkoll li l-Prim Ministru qed jipprova jsalva s-sitwazzjoni imbarazzanti li l-Gvern ingab fiha billi ordna inkjesta, izda kemm ahna zguri li tassew min jinstab hati – jekk fuq kollox jinstab xi hadd hati – ser igorr ir-risponsabbiltà ta’ dak kollu li gara. Fuq kollox f’din l-inkjesta se jkunu inkluzi wkoll l-oghla karigi fil-Ministeru tal-Edukazzjoni? Nisperaw li mhux se jinstab xi hadd li jservi ta’ scapegoat u b’hekk jitghattew l-izbalji u n-nuqqasijiet ta’ haddiehor!
Fuq kollox, id-dnub hu li kif qalu dawk l-istudenti effettwati. Jigifieri li ghalihom inutli li l-Ministru tghid li tat ordni lis-Segretarju Permanenti taghha biex jittiehdu passi immedjati fl-agenzija, ghax issa tard wisq. Il-Kummissjoni haditha d-decizjoni u l-istudenti tilfu l-opportunità li jmorru jistudjaw barra, opportunità li kienu ilhom ix-xhur jistinkaw ghaliha. Jekk ma tirrizenjax hi, ghandha l-obbligu li f’qasir zmien tara min kien responsabbli u titlob ghar-rizenja ta’ dawk li tellfuhom opportunità unika f’hajjithom.
Subscribe to this comment's feed
| < Prev | Next > |
|---|
