Ridt nikkonferma jekk fil-prezent, Aleandro hux l-izghar magician Malti. “Ha nghid hekk, jiena wiehed mill-izghar zgur. Hemm persentagg qawwi li jien l-izghar magician Malti wkoll. Hawn dilettanti tampari jew izghar, izda ma nafx li hawn magicians professjonali daqsi jew izghar,” sostna Aleandro.
Apparti li huwa magician, Aleandro huwa wkoll kantant u pjanist. B’hekk ma stajtx ma nistaqsihx liema minnhom jippreferi. Fil-fatt il-kant qed izommu bhala passatemp u biex iferrah lin-nies billi jimla x-shows tieghu tal-magija bil-kant ukoll. Id-daqq tal-keyboard ihobbu wisq. Fil-fatt jispjegah bhala xi haga specjali ghalih. Izomm ruhu okkupat billi jdoqq f’lejlet il-Milied u l-ewwel tas-sena f’xi lukandi. “F’lejlet il-Milied u okkazjonijiet specjali ohra jiena ma nkunx qieghed ma’ ommi niekol barra, izda nkun xoghol. Minn hawn niehu l-okkazjoni wkoll sabiex nirringrazzja lil Maestro Joseph Psaila li kien hu li gharaf li kelli naqbad nistudja l-keyboard”.
Ta’ min jghid li Aleandro gej minn familja Malasjana. Fil-fatt il-buznannu tieghu Anthony Tahir kien gie hawn Malta waqt li kien fuq tour fl-Ewropa ma’ kummiedja (circus). Kien izzewweg lil Rita Vella. B’hekk beda jghix hawn Malta fejn eventwalment beda jaghmel shows bil-juggling, magija u anke fire-eating. Maz-zmien it-tifel tieghu – Gharles Tahir, li jigi n-nannu ta’ Aleandro kien inspira ruhu minn missieru Anthony u b’hekk beda jaghmel shows tal-magija hu wkoll. B’hekk Aleandro gej minn familja li l-magija donnha bhala tintiret minn generazzjoni ghal ohra. Illum il-gurnata, fil-fatt, mhux l-ewwel darba li Aleandro jiret xi magic shows zejda li jkollu bbukjati nannuh Gharles.
Staqsejt lil Aleandro b’liema modi studja l-magija tant bis-serjetà. “In-nannu Gharles Tahir ghallimni hafna. Anke ohti – Andreana ghallmitni hafna. Imbaghad missieri kien jghini hafna finanzjarjament billi kien jixtrili tricks godda mill-Ingilterra.”
Mistoqsi liema tip ta’ trick tal-magija jhobb jaghmel l-aktar, Aleandro wegibni: “Joghgbuni l-aktar it-tricks bil-hamiem jew fniek, jew xi tip ta’ annimal iehor. Inhobb nuza tricks li fihom il-hajja. Naraha xi haga impressjonanti specjalment fuq it-tfal. Bhalissa fil-fatt ghandi genn biex nixtri papra halli nibda nuzaha f’xi trick.” Barra minn hekk fissirli li l-aktar li jhobb huma shows serji u fuq stil orjentali.
Bzonn ta’ assistenta tamparu
Zied jghidli wkoll li jixtieq hafna li jkollu assistenta tal-età tieghu. Spjegali li tidher li hija difficli ghalih fil-prezent. “B’hekk fil-bidu ghedtlek li ghadni single. Kelli tfajliet qabel, izda meta kont insemmilhom il-magija u nitlobhom l-ghajnuna waqt ix-shows, kienu jitgerrxu. Inhoss li qed nigi affettwat fir-relazzjonijiet tieghi minhabba l-magija.”
Punt interessanti li qajjem waqt din l-intervista, kien li Aleandro qalli li t-tfal bhal donnhom jissahhru wisq bil-magija. Ghal din ir-reazzjoni, Aleandro jhobb jivvinta stejjer originali ghat-tfal waqt ix-shows tieghu. “Mhux l-ewwel darba li nkun mistieden ntella’ show waqt xi tieg. Tinstema ftit stramba, izda l-gharajjes jaghmlu dan biex izommu lit-tfal mistiedna aljenati f’rokna kwieta mieghi. Tezisti haga li t-tfal bhal donnhom jibzghu mill-magician, il-genituri bhal donnhom jinqdew minn din is-sitwazzjoni bi skop tajjeb”, tbissem jghidli Aleandro.
Mistoqsi xi kemm jiddedika hin ghall-magija, Aleandro wegibni, “Kuljum issibni nqalleb fi tricks godda. Dejjem naggorna ruhi bix-xiri ta’ tricks godda u gieli anke nohloq stil tieghi nnifsi ghal xi tricks. Mhux l-ewwel darba li nixtri xi trick li jkun bla instruzzjonijiet. Anke whud mill-kotba li nixtri jhalluk b’certu question mark. B’hekk ikolli nixtri aktar kotba u istruzzjonijiet ghal aktar dettalji”.
Zied jghidli li ghalkemm magic show tinstema’ xi haga facli ghal min jipprattika din il-linja, min- naha l-ohra hija bicca xoghol li tinvolvi hafna studju, preparazzjoni u anke spejjez li forsi ma tantx jidhru f’ghajnejn haddiehor. “Qabel kull show niehu hsieb nixtri konfetti godda, bziezaq, u kultant anke xi rigali zghar ghall-udjenza tfal li jkolli”.
Kompla jghidli li mhux l-ewwel darba li jigu xi xhur wara xulxin li jkunu kwieti fix-xoghol ghalih, izda min-naha l-ohra jkun hemm perjodi ohra li jpattu ghal dan. Fosthom insibu zmien il-karnival, precetti u zmien il-Milied.
Ridt niehu l-opinjoni tieghu dwar kemm jahseb li l-magija ghadha tigi apprezzata llum il-gurnata. Fil-fatt ikkonfermali li l-magija l-aktar li tigi apprezzata hija mit-tfal u mill-anzjani. “Din ninnotaha waqt kull show. M’iniex nghid li l-kumplament tal-massa ma tapprezzax il-magija, izda nistqarr li t-tfal u anzjani jafu jidhlu f’dinja ta’ fantasija akbar”.
Dwar jahsibx li f’Malta jistax jibni karriera mill-magija biss, Aleandro wegibni: “Kultant nibqa’ ccassat minn magicians ohra li jghixu mill-magija biss. Nixtieq hafna, izda naraha difficli ghal hawn Malta.”
Fl-ahhar nett Aleandro qalli li minkejja li hu jidher bhala one-man show waqt kull magic show tieghu, xorta wahda jkollu l-ghajnuna minn wara l-kwinti. Fil-fatt ha l-opportunità minn din l-intervista sabiex jirringrazzja lil tal-familja tieghu li jinsabu warajh bl-ghajnuna taghhom.
Din l-intervista saret gewwa ‘The Gaffè Bottega’, li jinsab fil-Marina Hotel, Tigne Seafront, Tas-Sliema.
Subscribe to this comment's feed
| < Prev | Next > |
|---|
