ShareFodie Keita, immigrant ta’ 33 sena mill-Mali, ilbierah gie mressaq il-Qorti u akkuzat li qatel lil Adame Diabate ta’ 30 sena.
Diabate, li kien jabita fl-‘open centre’ ta’ Hal Far, kien instab midfun taht harruba go ghalqa f’Hal Far stess fis-6 ta’ Gunju.

L-immigranti fl-‘open centre’ ta’ Hal Far kienu ikkollaboraw mal-Pulizja fl-investgazzjonijiet wasslu ghall-arrest ta’ Keita. L-immigranti li kienu jafuh lil Diabate iddeskrivew bhala bniedem kwiet u pacifiku.

Keita cahad l-akkuzi migjuba kontrih, fosthom li qatel lil Diabate u heba l-katavru, li kien f’pussess t’arma tan-nar u li seraq it-telefon cellulari ta’ Diabate.

Il-Qorti accettat it-talba tal-avukat ta’ Keita biex dan jinzamm arrestat fl-Isptar Monte Carmeli minhabba t-tendenzi li Keita ghandu li jaghmel attentati ta’ suwicidju.

< Prev		Next >