Saverin Sinagra kkundannata sena habs sospizi ghall-sentejn talli kkorrompiet lil Thomas Woods li kien jixxahham biex ‘jghin’ lil dawk li riedu jghaddu Bord biex jieqfu mix-xoghol u jiehdu l-pensjoni tal-invalidità
Fil-Qorti gie kkonfermat li ufficjal fil-Ministeru tas-Sahha kien qed jigi mxahham biex ‘jghin’ lil dawk li riedu jghaddu mill-ezami quddiem il-Bord Mediku bil-ghan li jieqfu mix-xoghol u b’hekk jibdew jircievu il-pensjoni tal-invalidità mid-Dipartiment tas-Sigurtà Socjali.
In konnessjoni ma’ dan il-kaz nhar l-Erbgha li ghadda, il-Magistrat Edwina Grima sabet lil Saverin Sinagra ta’ 74 sena miz-Zejtun, hatja li kkorrompiet ufficjal pubbliku u kkundannata sena prigunerija sospizi ghal sentejn.
L-ufficjal pubbliku inkwistjoni huwa Thomas Woods li kien assistent segretarju privat fil-Ministeru tas-Sahha.
Skont is-sentenza tal-Qorti, Sinagra kienet permezz ta’ Thomas Woods ‘tghin’ lil dawk in-nies li riedu jghaddu Bord Mediku u ghal din l-assistenza hija kienet tghaddi xi flus u rigali ohra lil dan Woods.
Irrizulta kemm mix-xhieda ta’ Saverin Sinagra quddiem il-Qorti kif ukoll tal-persuni li hija ‘assistiet’, illi hija kienet titlobhom is-somma ta’ Lm600 u dana fuq struzzjonijiet li kien jaghtiha l-istess Thomas Woods. Il-flus imbaghad hi kienet tghaddihom lil Woods personalment. Minbarra l-flus Sinagra tghid li Woods kien jezigi wkoll xi rigali.
Fix-xhieda taghha Saverin Sinagra tghid “illi filfatt dan Thomas Woods kien jghidli, meta nehodlu n-nies ghandu, li ma kienx ikun irid inqas minn Lm600 fi flus talli jghinhom biex jghaddu bord. Hu kien jghidli meta filfatt kienu jghaddu Bord li kien ser jigi ghall-flus id-dar. Filfatt kien jigi hdejn id-dar, icempilli l-qanpiena, jiena kont nohroglu l-envelope u nghaddiehomlu fil-karozza.
Apparti dan kollu Thomas Woods kien jippretendi li jinghata xi rigali ghall-ghajnuna li joffri lil dawn in-nies u mhux l-ewwel darba illi n-nies kienu jiehdulu xi flus jew inkella xi hamper. Anzi xi kultant kien jirrabja mieghi ghax il-whisky ma kienx ikun dak li joghgob lilu u kien jippretendi illi jrid whisky aktar gholi tat-Lm53 u ghalhekk jiena kont nohrog il-flus minn buti biex nikkuntentah.”
Fis-sentenza taghha l-Qorti qalet illi ghalkemm m’hemmx prova dwar x’kien jaghmel Woods bil-flus li kienet tghaddielu Sinagra u jekk huwa kienx jaqsamhom ma’ xi terzi persuni, madankollu m’hemmx dubju illi Thomas Woods kien jaccetta mhux biss il-flus, izda anki rigali sabiex jaghti l-ghajnuna tieghu lin-nies biex jircievu l-pensjoni tal-invalidità.
Dan gie kkorroborat mix-xhieda ta’ John Camilleri li jsostni li meta huwa ma riedx ihallas il-flus, Sinagra kienet ikkomunikat ma’ Thomas Woods u qaltlu biex iwaqqaf il-process kollu. Filfatt meta sussegwentement Camilleri mar ma’ certu Pawlu Catania fl-ufficcju ta’ Woods li kellu fi hdan il-Ministeru, Woods stess ikkonfermalu illi l-applikazzjoni kienet twaqqfet u li kien hemm sinjal ta’ salib fuqha.
Subscribe to this comment's feed
| < Prev | Next > |
|---|
