Fit-tender ghall-cable tal-elettriku ta’ taht il-bahar bejn Malta u Sqallija li jinvolvi nefqa ta’ €150 miljun mill-EneMalta, spiccat inxtehet ghalih offerta wahda. L-unika kumpannija li xehtet l-offerta hija l-ABB Malta Sicily Interconnector Consortium, wara li l-kumpanniji l-ohrajn li kienu xehtu l-offerta taghhom fl-istadju tal-prekwalifikazzjoni u ntalbu jixhtu l-offerta attwali taghhom, jew qatghu qalbhom inkella rega’ bdielhom u tilfu l-interess u ma xehtux l-offerta finali taghhom.
Il-kumpannija ABB li tifforma parti mill-ABB Malta-Sicily Interconnector Consortium giet imqabda mill-kumpannija Daniza BWSC biex taghmel parti mix-xoghol tal-kuntratt tal-estensjoni tal-power station ta’ Delimara. Zewg kumpanniji sussidjarji tal-kumpannija ABB, fl-2004 kienu nstabu hatja ta’ korruzzjoni minn qorti f’Texas.
Fin-Nigerija l-ABB kienet imdahhla mal-Lahmeyer International li nstabet hatja ta’ korruzzjoni u li eventwalment spiccat blacklisted mill-World Bank minhabba f’hekk.
F’dawn l-ahhar 10 snin, l-ABB li hija bbazata l-Izvizzera imma hija kkontrollata minn azzjonisti Zvedizi, kienet involuta f’diversi kazijiet ohra ta’ korruzzjoni, l-aktar maghruf fosthom dak fi zmien Saddam Hussein fl-Iraq, fl-hekk imsejjah ‘Food for Oil Scandal’ fejn numru ta’ kumpanniji, fosthom ABB kienu xahhmu membri tal-Gvern ta’ Saddam Hussein biex jaghmlu progetti fl-Iraq.
Intant ghat-tender tas-submarine interconnector tal-elettriku bejn Malta u Sqallija, originarjament kienu 6 il-kumpanniji li xehtu offerta ghal dan il-kuntratt: (1) Duc Diving B.V.; (2) Engineering and Technology Limited bhala agenti ta’ Viscas Corporation; (3) Prysmian Powerlink; (4) Nexans Norway AS, Areva T & D AG; (5) NKT Cables GmbH, Pauwels, Royals Boskalis u (6) ABB Malta-Sicily Interconnector Consortium. Fit-12 ta’ Frar li ghadda l-General Contracts Committee tal-Ministeru tal-Finanzi kien iddecida li jqassar din il-lista ghal erbgha: ABB Malta-Sicily Interconnector Consortium; il-Prysmian Powerlink; Nexas Norway u Engineering & Technology Limited. Ghal xi raguni kien biss l-ABB Malta-Sicily Interconnector Consortium li xehet offerta u t-tliet kumpanniji l-ohra spiccaw tilfu l-interess jew qatghu qalbhom.
Difficli wiehed jifhem kif kuntratt ta’ dan il-kobor, kuntratt mill-kbar nett ghall-pajjiz zghir bhal Malta, gibed lejh l-interess ta’ offerta wahda biss, minn consortium li hemm fih kumpannija li fil-passat b’mod dirett jew indirett kienet involuta f’diversi kazijiet ta’ korruzzjoni f’pajjizi differenti.
Subscribe to this comment's feed
| < Prev | Next > |
|---|
