MInn Lindsay Gambin
Il-Wasteserv qatt ma hasbet ghal friza permanenti fejn tahzen il-karkassi tal-annimali, minkejja li kienet konxja mill-fatt li l-inceneratur jkollu jitwaqqaf kultant biex isirulu t-tiswijiet.Sintendi meta l-inceneratur ikun wieqaf u ma jkollox friza fejn tahzen, ir-riha tal-karkassi tal-annimali ovvjament tkun ta’ nkonvenjent ghar-residenti tal-madwar. L-inceneratur tal-Marsa ilu jahraq il-karkassi tal-annimali tliet snin sa mill-2007.
Huwa biss issa li qed jinghad li qed isiru tahdidiet mal-Awtorità Maltija ghall-Ambjent u l-Ippjanar biex jigi zviluppat pjan ghall-konsolidazzjoni tal-cold stores.
Il-Wasteserv qalet dan meta tat ir-reazzjoni taghha din il-gimgha ghat-talba ghal azzjoni li ghamel il-Kunsill Lokali tal-Marsa lill-Gvern f’isem ir-residenti. Ir-residenti b’mod partikolari dawk tal-inhawi t’Albert Town fil-Marsa ghamlu 15-il gurnata fl-eqqel tas-sajf jghixu fi rwejjah insopportabbli hergin mill-inceneratur minhabba li l-biccerija baqghet tibghat l-annimali ghall-hruq meta l-inceneratur kienu qed isirulu t-tiswijiet.
Anke jekk fi kliem is-Sindku dan jikser ir-regolamenti tal-MEPA stess ghaliex il-biccerija ghandha l-obbligu li tiffriza l-karkassi tal-annimali meta l-inceneratur ikun wieqaf ghaliex ikunu qed isiru t-tiswijiet.
Sa jum qabel il-konferenza tal-ahbarijiet imsejjha mill-Kunsill tal-Marsa, ntbaghtu skips miftuha mimlija bl-imsaren tal-annimali. Il-Kunsill kien digà rrapporta dan il-kaz lill-Pulizija li min-naha taghhom marru mas-Sindku biex jaraw is-sitwazzjoni.
Irrizulta li l-freezers fejn jinzammu l-karkassi tal-annimali kienu f’temperatura ta’ zero gradi celsius minflok bejn 45 -53 gradi taht iz-zero.
Il-Kunsill tal-Marsa qal li huwa inaccettabli li d-Dipartiment tas-Sanità jghidilhom li ma jista’ jiehu l-ebda azzjoni dwar din is-sitwazzjoni.
Sadanittant, il-Partit Laburista permezz tal-Kelliem Ewlieni ghall-Biedja Joseph Sammut wera s-solidarjetà tieghu mal-Marsin u qal li fil-Biccerija tal-Marsa qed jintuzaw prattici zbaljati. Ghalhekk jehtieg li l-Awtoritajiet tas-Sahha jinvestigaw l-ilmenti mressqa mill-Kunsill tal-Marsa biex jizguraw li kollox isir b’konformità mal-istandards tal-Unjoni Ewropea.
Subscribe to this comment's feed
| < Prev | Next > |
|---|
