Il-Kumitat Maghzul tal-Parlament li kien gie varat sentejn ilu, minn dak li gie rappurtat fl-istampa, kien qed jimxi b’pass ta’ nemla, aktar ma jiltaqax milli jiltaqa’ u qajla kien qieghed jigi registrat xi progress.
Madankollu dan kien tista’ tghid l-uniku forum fejn setghu jigu diskussi liberament kwistjonijiet li huma krucjali ghat-thaddim tad-demokrazija gewwa pajjizna.
Minhabba c-cikcifogu li nqala’ wara l-votazzjoni fuq il-mozzjoni tal-Oppozizzjoni dwar l-estensjoni tal-power station ta’ Delimara, dan is-Select Committee kien spicca mahruq fuq l-artal tas-sagrificcju.
Kieku l-Prim Ministru Gonzi tassew ried jiehu x-xoghol ta’ dan il-Kumitat Maghzul bis-serjetà li kien jisthoqqlu, l-ewwel santu haga kien jizgura lid an il-Kumitat ma jispiccax stagnat, tant hu hekk kien ghamel perijodu twil meta lanqas biss kien qed jiltaqa’.
Kieku l-Gvern Nazzjonalista kien tassew genwin meta nieda din l-inizjattiva, wiehed kien jippretendi li appena l-Oppozizzjoni rtirat minn dan il-Kumitat bi protesta ghall-frejm-up li tal-PN ippruvaw jaghmlu fuq Justyne Caruana, Lawrence Gonzi kien imissu ghamel kull sforz possibbli biex jara kif se jigborha halli dan il-Kumitat jigi rikompost u jkun jista’ jkompli bix-xoghol tieghu.
Naturalment meta tifli x’suppost kien qieghed jigi diskus f’dan il-Kumitat Maghzul tal-Kamra, wahdek tirrealizza ghalfejn dan il-Kumitat kien qed jimxi bis-sulluzzu.
Fost is-suggetti li suppost kienu qeghdin jigu ttrattati, kien hemm il-kwistjoni tahraq hafna ghad-demokrazija ta’ pajjizna – l-ghoti ta’ flus lill-partiti politici min-nies tan-negozju. Dwar dan is-suggett il-PN ilu zmien u ghomor ikaxkar saqajh biex dwar din il-kwistjoni tahraq jibqa’ ma jsir xejn u nibqghu fejn ahna f’sitwazzjoni ta’ libertinagg u arbitrarjetà assoluta.
15-il sena ilu Dr. Eddie Fenech Adami kien appunta dik li kienet baqghet tissejjah il-Kummissjoni Galdes, propju bl-iskop li jigi mfassal qafas legali dwar il-gbir ta’ flus mill-partiti politici u fuq kollox li tinholoq distinzjoni netta bejn donazzjonijiet genwini u ghotjiet ta’ flus li min-natura taghhom m’huma donazzjonijiet xejn, imma jkollhom l-iskop li jinfluwenzaw lil min ikun qieghed jircevihom u li incidentalment ikollu l-poter li jinfluwixxi fuq l-ezitu tal-ghoti ta’ kuntratti pubblici u koncessjonijiet varji.
Il-Partit Nazzjonalista fil-Kummissjoni Galdes qieghed or record li kien propju minhabba l-prokrastinazzjoni tieghu li din il-Kummissjoni ma kienet waslet ghall-ebda konkluzjonijiet konkreti li l-Parlament seta’ jagixxi fuqhom.
Ghaddew aktar minn 15-il sena minn dakinhar u ghadna fejn konna, anzi aghar minn fejn konna, ‘il ghaliex aktar m’ghadda zmien, il-partiti saru jibbazaw ferm inqas fuq il-hidma volontarja u fuq l-attivizmu tal-partitarji taghhom u saru jiddependu aktar fuq id-donazzjonijiet tal-kuntratturi u n-negozjanti. Propju ghalhekk suppost li kibret il-premura li f’dan ir-rigward ma nibqghux aktar f’sitwazzjoni ta’ min jiflah ihawwel u tal-arbitrarjetà assoluta.
Skont rapport tal-Kunsill tal-Ewropa li ghadu kif gie ppubblikat, Malta hija wiehed minn tliet pajjizi li jippermettu li jinghataw donazzjonijiet anonimi lill-partiti politici. Il-maggoranza kbira tal-pajjizi Ewropej jikkunsidraw dawn id-donazzjonijiet bhala illegali.
Ladarba f’Malta dawn id-donazzjonijiet mhumiex ikkunsidrati bhala illegali, lanqas ma ssir distinzjoni bejn donazzjonijiet genwini u “donazzjonijiet” li minn ewl id-dinja ghandhom jintgharfu li huma forma ta’ “investiment” jew xiri ta’ influwenzi jekk mhux ukoll tixhim bil-pulit jew inqas pulit.
Marbut ma’ dan kollu trid tikkunsidra wkoll il-fatt li l-istituzzjoni li taggudika l-kuntratti pubblici gewwa pajjizna, id-Dipartiment tal-Kuntratti, fix-xhur li ghaddew kien taht baraxx ta’ kritika qawwija dwar il-mod laxk, suspettuz jekk mhux ukoll abbuziv kif qieghed jopera, bl-akbar hasla tigi fir-Rapport tal-Awditur Generali dwar il-mod suspettuz kif inghata l-kuntratt ghall-estensjoni tal-power station ta’ Delimara.
Fl-isfond ta’ dankollu, wiehed mill-kuntratturi ewlenin ta’ dan il-pajjiz, u fost l-aktar li jmaxtar minn dawn il-kuntratti pubblici u li fuq ammissjoni tieghu stess, huwa wiehed mill-finanzjatura tal-Partit Nazzjonalista, jqum u ajorqod fuq l-istess dghajsa mas-Segretarju-Generali tal-Partit fil-Gvern ghall-vaganza bejn sema u ilma, u quddiem sitwazzjoni bhal din, il-Prim Ministru Gonzi flok jagixxi, konvenjentement jippreferi li joqghod fommu sieket.
Subscribe to this comment's feed
| < Prev | Next > |
|---|
