Share

Hafna huma dawk dilettanti tal-kcina, u xi kultant jippruvaw ivarjaw l-ikliet taghhom b’xi ingredjenti specjali. Izda ghall-originalità u l-bravura, STEVE SCHEMBRI jiehu l-ewwel post. RAMONA PORTELLI ltaqghet mieghu, kemm biex idduq xi ikel, u kif ukoll biex tara kif dan ix-chef wasal biex sahansitra jigi mlaqqam “mignun”.

Il-laqam tieghu bhala crazy chef jixhed kemm verament huwa passjonali u fuq kollox uniku f’dak li johloq fit-tisjir tieghu.

Jekk forsi kontu qed tahsbu li hu xi mignun, nikkonferma jiena stess li hu mignun verament, izda fl-immaginazzjoni lejn dak li jista’ johrog u johloq mill-ingredjenti tal-ikel.  Nista’ nikkonfermah ukoll ghaliex jiena stess doqt dak li jaf joffri Steve Schembri, li huwa chef b’tant dedikazzjoni lejn xoghlu.

Steve laqani ghal din l-intervista mieghu fil-kcina tieghu stess f’Tas-Sliema, fejn ta’ kuljum issibu jahdem hemm.  Mhux biss staqsejtu d-domandi li kont hejjejt qabel ma mort ghal din l-intervista, izda wkoll stajt induq u napprezza aktar dwar dak kollu li kien qed ikellimni dwaru, u b’hekk stajt nifhem aktar din il-passjoni tieghu.

Steve ghad ghandu 31 sena, mizzewweg u llum jghix mal-familja tieghu Santa Venera.  Ghalkemm xogholu jinvolvih hafna hidma specjalment fi tmiem il-gimgha, sahaq mieghi li l-granet tal-Hadd sar ma jahdimhomx sabiex ikun jista jqatta’ hin bizzejjed mal-familja tieghu.

Hekk kif bdejt nitkellem ma’ Steve, stajt ninnota fih persuna minn dawk li jissejhu happy go lucky, u kif qalli hu stess ihoss li huwa bniedem spontanju.  Ihobb hafna l-muzika u mhux l-ewwel darba li ssibu b’xi kitarra f’idejh idoqq u jkanta dak li jigih f’mohhu (anke waqt din l-intervista daqq u kanta sabiex jurini t-talent l-iehor tieghu).

Mal-ewwel stajt nosserva l-passjoni kbira tieghu ghall-ikel u dak li johloq fit-tisjir.  Fil-fatt mieghi qasam certa passjoni kbira dwar il-karriera tieghu, kif ukoll dwar dak li jhobb jivvinta u johloq mill-ikel.  Mhux ta’ b’xejn maghruf bhala crazy chef ghax erhilu jivvinta u johloq platti bnini u strambi ghal xi whud, u fuq kollox unici li tant jinzlu ghasel ma’ hafna.

Isajjar il-ward u l-bram

Fl-atmosfera ta’ hdejn il-kcina tieghu stajt ninnota diversi firem ta’ persuni li daqu l-ikel tieghu u li fahhruh.  Mhux hekk biss, izda l-maggoranza taghhom huma persuni prominenti specjalment fix-xena tal-muzika lokali u anke barranin.  Insemmi ftit minnhom fosthom il-kantant Malti Marc Storace, membri mill-grupp Ingliz Paradise Lost, u xi membri ohra mill-grupp Therapy fost hafna ohrajn.

Waqt din l-intervista, stajt ninnota kemm huwa kreattiv f’xoghlu u li f’kemm ili nghidlek waqt li qed ikellimni, fl-istess waqt ikun qed jipprepara l-ikel sabiex idewwaqni.  Infurmani wkoll li kultant zmien ihobb ivarja l-menu tieghu u ghalhekk dak li jkun dejjem ser jiekol xi haga gdida minn taht idejh.

“M’ilux ghal zmien San Valentinu kont sajjart il-ward, u anke kien hemm darba ohra fejn sajjart il-bram,” beda jghidli Steve.

Nistqarr li ghall-ewwel hsibtu qed jiccajta, peress li hu dak it-tip ta’ persuna, izda malajr ikkonfermajt dan kollu meta bl-akbar serjetà beda jispjegali kif il-fjuri (ward) kellu jiehu hsiebhom minn qabel sakemm spiccaw  gol-forn u finalment fl-istonku ta’ dawk li kiluhom.

L-istess ghall-bram (jellyfish).  Spjegali kif lil dawn l-ewwel inehhilhom il-velenu li jkun fihom u l-process jibqa’ ghaddej sakemm jispiccaw gol-borma tieghu u finalment jittieklu u jintghogbu minn kull min ikun daqhom.

Tkellimt mieghu dwar il-bidu tal-karriera tieghu, u nfurmani li jista’ jghid beda mix-xejn. 

Ta’ tnax-il sena kien jitma restorant nies

“Bdejt nahdem fil-kcina minn mindu kelli 12-il sena.  Illum ghandi 18-il sena esperjenza.  Fil-bidu nett bdejt bhala dishwasher, u l-hsieb kien li ngemma xi haga tal-flus sabiex inkun nista’ nixtri l-apparat tal-muzika.  Izda maz-zmien bdejt ninteressa ruhi fit-tisjir, u inzerta li jien persuna li dak li jaraw ghajnejja naghmlu!  Mhux l-ewwel darba li kont nispicca l-assistent tax-chef ta’ fejn kont nahdem.

“L-istess chef kellu problemi relatati ma’ xorb u biex nghattilu mhux darba jew tnejn li kont nispicca nsajjar il-parti l-kbira tal-ikel.

“Gara li maz-zmien in-nies qatt ma gergru mill-ikel tieghi, anzi beda jintghogob, u kienu zammewni ghas-sajf ta’ wara.  Trid tarani tifel ckejken nipprova nlahhaq mal-cooking burners,” tbissem jghidli Steve.

Zied jghidli li meta ghalaq 16-il sena kien applika u dahal jistudja l-ITS, izda ma kklikkjax, ghall-fatt li dak li bdew jghallmuh tista’ tghid li kollu kien tghallmu fil-prattika.  Barra minn hekk ghal dak iz-zmien l-ITS ma kinitx attrezzata ghat-taghlim mehtieg.

“Immagina l-burners fejn kienu jghallmu bihom kienu l-istess bhal tad-djar, u jiena digà kont tghallimt insajjar f’burners kbar tar-ristoranti, u li fuq kollox certu ikel             ikun jehtieg dawn it-tip ta’ burners sabiex issajjru tajjeb,”                 spjegali Steve filwaqt li ghamilili cara li l-ITS illum hija attrezzata sew.

B’hekk iddecieda li jkompli jitghallem permezz ta’ correspondence course.  Kien fil-fatt jitghallem hafna ahjar meta jibghatulu apposta hawn Malta tutors sabiex jghallmuh il-prattika tal-kcina.

“Minn hemm ‘il quddiem nista’ nghid li komplejt miexi ‘l quddiem u hdimt f’hafna restoranti u lukandi lokali”.

Skoprejt li xi xhur ilu Steve kellu jigi operat f’idejh minhabba incident li kellu.  Stajt nimmagina kif hasshom dawk il-mumenti meta kien jaf li ma setax isajjar.  B’hekk tlabtu jirrakkuntali ftit, u fuq kollox kienx ha l-opportunità ghal naqra mistrieh waqt dik il-gimgha li kien qatta’ l-isptar.

“Immissjajt hajti.  Apparti hekk immissjajt lil shabi u l-ikel.  Fi kliem iehor immissajt il-hajja reali tieghi”.

Dan l-ahhar Steve sar maghruf ghall-metodu specjali tieghu ta’ kcina differenti.  Ridt inkun naf aktar dwar kif jirnexxielu jaghmel dan possbibli.

“Il-fatt li nikkura l-ikel jien stess qabel ma jigi msajjar, u naghmel iz-zejt jien stess dak li jien stess insajjar bih.  Naghmel ukoll il-hobz li nipprezenta lin-nies u anke s-sauces.  Nimporta wkoll il-melh li nipprezenta fuq il-mejda tal-ikel.  Fil-fatt dan is-sea salt ingibu mill-Mallorca”, fissirli Steve.

Spjegali wkoll kif l-inspirazzjonijiet tieghu fl-ikel jinholqu mill-burdata tieghu.  Ivvinta ricetti unici bhalma huma soppa tal-faqqiegh u l-frawli jew soppa tal-qargha hamra u c-cikkulata!!  Ghal hafna dawn jarawhom bhala platti strambi, izda fuq kollox jinzlu ghasel ma’ hafna.

B’hekk tlatbu jispjegali r-reazzjoni li jara qabel u wara ta’ dawk li jieklu minn taht idejh minn dawn it-tip ta’ platti.

“Ghall-ewwel jizgarraw, izda mbaghad jissugrawha ghax jemmnu fija u fl-ahhar mill-ahhar qatt ma hargu dizappuntati, anke jekk fil-bidu jkollhom dak l-icken dubju mit-tahlita tieghi,” wegibni bi tbissima Steve.

F’Malta hawn hafna koki u chefs, izda ridt inkun naf fil-kaz ta’ Steve x’jaghmlu uniku mill-ohrajn, apparti l-platti strambi li johloq.  Fil-fatt bla tlaqliq ta’ xejn spjegali li l-fatt li jaf imur lil hinn mill-kcina, u jkompli mal-klijenti tieghu billi jdoqqilhom xi bicca muzika kif jaf hu, ihoss li dan igeghlu jersaq aktar lejn in-nies, u mhux dik il-haga li thallih mistohbi u maghluq fi kcina biss.

Fl-ahhar  nett tlabtu jghaddi xi parir specjalment lin-nisa tad-djar li jhobbu jesperimentaw fil-kcina taghhom.

“Tibzghux tuzaw ix-xaham, melh, butir u zejt.  Jekk kollox isir bil-qies, ghandkom tohorgu platti tajba ghall-familja, u fuq kollox dejjem ninsisti li l-ikel ikollu toghma tajba meta maghmul minn dan kollu li semmejt u fuq kollox ilkoll       nghixu hajja wahda,” temm jghidli Steve.

< Prev		Next >