Jismu Anton Attard. Dak li sa ftit taz-zmien ilu kien imexxi l-istazzjon tal-PN, NET TV. Dak li fl-ahhar elezzjoni generali kien wiehed mill-paladini, jekk mhux il-percimess li ddefenda, u akkumpanja lil JPO f’kull pass li ghamel meta l-iskandlu tal-Mistra hareg fil-berah. Dak li ilu jahdem il-kampanji elettorali tal-PN talanqas sa mill-1998. Dak li ftit tax-xhur ilu GonziPN ma ddejjaq xejn jahtru Kap Ezekuttiv tal-PBS, l-istazzjon nazzjonali.
Issa jekk qatt kien hawn hatra politikament partiggjana daqstant biex tmexxi l-istazzjon nazzjonali, l-istazzjon suppost tal-Maltin u l-Ghawdxin kollha, certament kienet il-hatra ta’ Anton Attard.
Meta sirt naf bil-hatra tieghu bhala Kap Ezekuttiv tal-PBS mill-ewwel ghidt li issa GonziPN jista’ jserrah rasu b’dak li se jkun qed jigri fil-PBS. Ghaliex flimkien mas-sinjuri Natalino Fenech, Kap tal-Ahbarijiet u l-Professur Joe Pirotta Kap tal-Bord Editorjali, is-sur Attard ghaqqad it-trepied ta’ qaddejja ta’ GonziPN fil-PBS minn issa sakemm tigi l-elezzjoni generali.
Tard il-gimgha l-ohra l-PBS iddecieda li jibbojkottja l-Malta Television Awards ta’ din is-sena li kienu se jsiru lejn l-ahhar ta’ Frar. Ftit tal-minuti wara NET TV habbar ukoll li kien qed jibbojkottja dawn l-awards. Insomma fejn tmur il-qalb jimxu riglejja jghidu!
Ghaliex dan il-bojkott mill-istazzjon nazzjonali kontra l-apprezzament ta’ kull sena ghall-industrija tat-televizjoni lokali u dawk kollha li jahdmu fih? Qalilna Anton Attard, “li l-organizzaturi m’ghandhomx bizzejjed kredibilta biex jorganizzaw dawn l-awards u minflok skont hu ghandha tkun l-Awtorità tax-Xandir li torganizzahom.’.
Ghal min ma jafx snin ilu l-awards ghall-programmi televizivi, u radjufonici kienu jigu organizzati mill-Awtorità tax-Xandir, izda kien waqaf kollox hesrem minhabba nuqqas ta’ finanzi li l-Awtorità kienet qed tircievi mill-bagit tal-Gvern. In-nuqqas ta’ attività bhal din kien ilu jinhass b’mod specjali meta l-istazzjonijiet lokali bdew jinvestu aktar minn qatt qabel fuq skedi b’sahhithom ghat-telespettaturi, u anke bit-twelid ta’ bosta djar tal-produzzjonijiet li bdew ibieghu l-prodott taghhom lill-istazzjoniiiet lokali rispettivi.
Fid-dawl ta’ dan l-interess min-naha tal-istazzjonijiet u dawk kollha nvoluti fil-qasam tal-media, l-awards ghall-programmi televizivi fl-2006 bdew jigu organizzati minn kumpanija privata, Mermaid Media & Entertainment, li dahlet ghal din l-isfida u anke tat libsa gdida u dehra aktar professjonali kif wara kollox jixraq lil dawn l-awards. L-interess fost it-tlett stazzjonijiet ewlenin tat-televizjoni kiber u zdied sew minn sena ghal ohra. ONE u PBS rebhu dawn l-awards darbtejn kull wiehed fl-ahhar erba’ snin, b’NET TV lura sew fit-tielet post sena wara l-ohra.
Minn mindu bdew jigu organizzati mill-privat fl-2006, hadd qatt mill-istazzjonijiet lokali kollha ma lmenta fuq il-kredibiltà tal-organizzaturi jew skuzi ohrajn li hareg bihom din is-sena l-Kap Ezekuttiv tal-PBS. Kull meta ONE ma rebahx u l-awards marru ghand il-PBS, ONE fejjem accetta r-rizultat. Gara li r-rebh tal-istazzjon tas-sena minn ONE is-sena l-ohra nizlet hazin hafna mat-tmexxija tal-PBS u baqa’ jippika u jfixkel sakemm ma wasal biex din is-sena jibbojkottja l-awards flimkien man-NET daqslikieku kienu haga wahda mmexxijin mill-istess persuna.
Dan ghalija hu loghob tat-tfal u huwa ta’ ghajb kbir kif l-istazzjon nazzjonali jgib ruhu b’dal-mod. Mur gib li kieku konna ahna ta’ ONE li hrigna b’dal-bojkott. Mur gib kemm kienu jghidulna li qed nattakkaw lit-talent lokali u elf haga ohra. Min-naha l-ohra jien l-ewwel wiehed flimkien ma’ shabi l-ohra fit-tmexxija ta’ ONE u l-haddiema kollha se nibqghu ghaddejjin billi nkomplu noffru xandir u produzzjonjiet ta’ kwalità lil dawk l-eluf kollha li jsegwuna kuljum mit-Tnejn sal-Hadd.
Jekk is-sur Anton Attard telaq fuq missjoni biex minghalih jimmina l-ezistenza u l-popolarita ta’ ONE sejjer imqarraq bil-kbir. Nassigurah li naf sew x’qed jaghmel fil-konfront ta’ ONE. Dak li ONE bena matul is-snin biex sar kompetitur b’sahhtu u ewlieni tal-PBS mhux se jkissru xi hadd li qed jahseb li lahaq is-sema b’idejh.
Ghaliex tajjeb issa li nsiru nafu jekk is-sur Anton Attard biex accetta l-kariga politika li tah GonziPN fl-istazzjon nazzjonali, imhallas minn flus il-poplu fil-fatt iddikjarax l-interessi kollha tan-negozju tieghu li certament jistghu jaghtu aktar minn lok ghal kunflitt ta’ interess mal-kariga li ghandu fil-PBS. Nistennew u naraw.
This e-mail address is being protected from spambots. You need JavaScript enabled to view it
Subscribe to this comment's feed
| < Prev | Next > |
|---|
