Il-glied fil-Libja wassal biex l-andament f’pajjizna partikolarment fl-ajruport u fil-portijiet taghna jiehu xejra totalment differenti minn dak li drajna tul dawn l-ahhar snin. Prezenza akbar ta’ vapuri kemm kummercjali li jgorru passiggieri, flimkien ma’ prezenza sostanzjali ta’ vapuri militari kollha bil-ghan li jwasslu f’pajjizna l-akbar numru ta’ nies possibbli li qed jigu evakwati mil-Libja.
Bl-istess mod, fl-ajuport, in-numru ta’ nies li l-ajruport kellu fih kienu akbar mis-soltu b’titjiriet lejn destinazzjonijiet aktar imbieghda biex jitwasslu nies li qed jigu evakwati mil-Libja. Fil-mitjar rajna prezenza qawwija ta’ ajruplani militari li llum aktar nassocjawha ma’ airshow.
Attività kollha marbuta ma’ ghan wiehed li haddiema u nies fil-Libja, jinhargu mil-Libja fl-iqsar zmien possibbli biex jittiehdu lura lejn arthom ’il boghod mill-glied li issa hakem kull parti fil-Libja u li jidher li qieghed isir aktar qalil.
Mhux kulhadd kellu l-opportunità li jinhareg mil-Libja bil-mod kif gew evakwati l-mijiet ta’ persuni li ghaddew minn Malta. Hemm min kellu jara kif ifendi ghal rasu u johrog mil-Libja billi jmur fid-direzzjoni tat-Tunezija. Dan il-process qieghed jikkawza diffkultajiet kbar kemm ghal dawk li qed jaharbu mill-glied tal-Libja kif ukoll ghat-Tunezija li ghadha kif ghaddiet u ghaddejja minn zmien ta’ taqlib politiku wara li l-poplu pprotesta kontra t-tmexxija ta’ Ben Ali.
Huma xeni li jnikktu, dawk tal-mijiet ta’ persuni li jispiccaw f’kundizzjonijiet difficli hafna minghajr saqaf u bi skarsezza ta’ provvisti ta’ ikel. Sitwazzjoni li tirrikjedi attenzjoni kbira mill-komunità internazzjonali biex ma jinholqux tragedji ohra waqt li dawn il-persuni qeghdin ifittxu post aktar kenni.
Grazzi Air Malta
Ta’ min wiehed isemmi li pajjizna ta kontribut f’din is-sitwazzjoni, kemm biex ghen lill-haddiema Maltin kif ukoll persuni ohra. Kienet strumentali l-Air Malta li tat servizz impekkabbli biex ghenet fl-evakwazzjoni ta’ nies minn gewwa l-Libja. Din il-kumpannija li serviet u sservi lill-pajjizna fit-tishih ekonomiku tieghu, filwaqt li tat sehemha biex issalva lil tant nies, illum verament tehtieg lil min isalvaha mis-sitwazzjoni li tinsab fiha.
Pajjizna jehtieg li dak kollu li huwa strategiku ghal pajjizna jinghata l-attenzjoni kollha li tkun mehtiega u mhux jithalla jispicca fis-sitwazzjoni li tinstab l-Air Malta. Minn din il-kumpannija qed jaslu ahbarijiet hziena u l-Gvern ghandu jfisser car u jkun trasparenti mal-haddiema u mal-pajjiz kif se jaccerta li l-linja nazzjonali taghna. Ma jistax ikun li din il-linja tal-arju tithalla t-tir mar-rih. Pajjizna ghandu bzonn lill-Air Malta.
Zieda fil-fuel
Pajjizna ra caqliq qawwi fil-prezz tal-fuel matul din il-gimgha. Il-poplu Malti u Ghawdxi qieghed ihallas prezz hafna aktar gholi tal-fuel li huwa tant necessarju fid-dinja tal-lum. Mill-gdid rega’ hareg il-mod xejn trasparenti kif qed jithaddem il-mekkanizmu li bih qed jigu mizjuda l-prezzijiet tal-fuel.
Il-Gvern qed isib bhala skuza s-sitwazzjoni fil-Libja biex jiggustifika z-zieda fil-prezzijiet tal-fuel. Wiehed jistaqsi jekk kienx hemm rizervi ta’ fuel li kienu ghadhom ma nbighux qabel ma kien hemm il-htiega li jgholew il-prezzijiet. Il-Gvern mhux qed ifisser kif qed jasal biex jghola l-prezz tal-fuel. Il-poplu ghandu dritt li jkun jaf ghaliex se jhallas aktar u kif qed jigu kkalkolati l-prezzijiet tal-fuel.
L-effett li din iz-zieda fuq il-fuel qed thalli u se thalli fuq l-ekonomija ta’ pajjizna huwa wiehed detrimentali. Iz-zidiet li kellna fil-prezz tal-fuel jehtieg li jigi indirizzat malajr l-aktar meta wiehed jiftakar li parti sostanzjali mill-prezz li jhallas il-poplu imorru f’taxxi.
Jekk il-Gvern qed jiehu sehem kbir minn dak li l-poplu qed ihallas, il-Gvern, f’din is-sitwazzjoni jehtieg li jkun ta’ spalla ghall-poplu u jaghti kumpens.
This e-mail address is being protected from spambots. You need JavaScript enabled to view it
Subscribe to this comment's feed
| < Prev | Next > |
|---|
