Share

Ministru ta’ Eko-Ghawdex tal-isem

Bhala parti mill-progett ta’ Eko-Ghawdex, din il-gimgha l-Ministru Ìiovanna Debono zaret sit fejn kienu qeghdin jigu rrangati xi hitan tas-sejjieh.

Veru kaz ta’ ‘missing the wood for the trees’ kif jghidu l-Inglizi. Dan il-ftahir kollu dwar Eko-Ghawdex, imbaghad il-Ministru Debono biex la tinxtamm tfugh u lanqas tinten, ma haditx pozizzjoni dwar l-progett li kien propost li jsir fil-Bajja ta’ Hondoq, li kien se jeqred l-ekologija ta’ medda kbira ta’ kampanja u anki ta’ bahar mill-isbah.

Din x’Ministru ta’ ‘Eko-Ghawdex’ hi biex lanqas tiehu pozizzjoni dwar progett infami bhal dan? Anzi fl-2008, sahansitra kienet qalet li dan progett pozittiv.

Meta hareg ir-rapport tad-Direttorat tal-Ippjanar dwar l-izvilupp propost f’Hondoq, il-Ministru ta’ ‘Eko-Ghawdex’ tal-isem, flok ferhet bil-konkluzjonijiet ta’ dan ir-rapport, qalet illi ‘tirrispetta’ r-rakkomandazzjonijiet ta’ dan ir-rapport. Il-kelma ‘tirrispetta’ f’sitwazzjonijiet bhal dawn, tintuza meta tittiehed xi decizjoni li ma tkunx taqbel maghha, u kontra qalbek ikollok tirrispettaha.

Ikompli jikkonferma kemm Ìiovanna Debono hija ministru ta’ Eko-Ghawdex biss tal-isem, huwa l-fatt li din kienet ikkummissjonat rapport ta’ esperti dwar Eko-Ghawdex u ghal darb’ohra biex minn ghalija la tinxtamm tfugh u lanqas tinten, iddecidiet li ma tippubblikax dan ir-rapport li ma jmurx jintrifes xi kallu.

X’jaqbillu jghid?

Is-Sur Abram Zammit, id-Direttur tal-Habs, haseb illi akkuza bhal dik li ghamel Charles Muscat ‘Il-Pips’, li l-habs huwa nfestat bid-droga, jista’ jfarfarha minn fuq spallejh b’semplici intervista fejn qal li dan mhuwiex il-kaz.

Imma x’jaqbillu jghid id-Direttur tal-Habs? Bhala minimu, l-awtoritajiet tal-Habs li kieku tassew kellhom il-karti in regola, imisshom bdew immedjatament proceduri ta’ libell kontra Muscat, li wasal biex qal illi l-psikjatra ta’ Monte Carmeli fejn Muscat skonta sitt snin mis-sentenza tieghu, ma riedx jibghatu lura l-habs ghax hemmhekk kien ikun difficli li jzomm ruhu nadif mid-droga (“Dr Spiteri knew that if he sent me back to prison it would be difficult for me to stay clean..”).

Li kieku dan id-diskors intqal biss minn Charles Muscat “Il-Pips”, wiehed bir-ragun jiehdu b’niskata melh. Imma dan diskors li ilu jidwi fil-widnejn minn diversi bnadi. Ghalhekk kien jaghmel sens li lil hinn minn x’jghid Abram Zammit, li ma setax jghid mod iehor quddiem akkuzi bhal dawk, li l-Gvern jahtar inkjesta indipendenti biex jistabbilixxi l-fatti dwar l-access relattivament facli ghad-droga li jidher li ghandhom il-prigunieri fil-Habs ta’ Kordin.

U la qeghdin fiha, inkjesta tassew indipendenti zgur ma tridx tkun imexxija minn xi hadd bhal eksimhallef Albert Manche.

Disprament

L-irvellijiet li nqalghu fil-facilità ta’ detenzjoni gewwa Hal Safi, kif kien mistenni, qanqlu reazzjonijiet pjuttost irrabjati, aktar u aktar ghax did-darba korrew xi membri tal-Armata u tal-Korp tal-Pulizija. F’cirkostanzi bhal dawn, facli hafna li wiehed jirrikorri ghal reazzjonijiet goffi u xi ftit imqanqla wkoll. Hija sitwazzjoni splussiva li mhux se nsibu tarfha b’battuti razzisti.

Dawk li qanqlu l-irvellijiet irriskjaw hajithom u salvaw mill-gharqa biex gew Malta, anki jekk kienu jippreferu li spiccaw l-Italja, sforz is-sitwazzjoni ddisprata li kienu jinsabu fiha gewwa pajjizhom.

Minn dak li stajna nsegwu mill-filmati tal-ahbarijiet, f’din l-ishana tal-qilla ta’ Awwissu, f’dawk il-kundizzjonijiet xejn umani li jinsabu fihom dawn l-immigranti irregolari fl-hekk imsejjah ‘centru’ ta’ Hal Safi, x’aktarx li d-disprament taghhom zdied u mhux naqas.

‘Hmieg tad-drenagg’

Laqatni b’mod partikolari l-kumment li ghadda l-Logotenent Kurunell Brian Gatt, il-Kmandant tas-Servizzi tad-Detenzjoni, li ammirajtu meta minghajr wisq fuss, qal illi f’hin minnhom kellu jmur ibiddel, u meta kien mistoqsi mill-gurnalisti ghalfejn kellu jmur ibiddel, wiegeb illi kien gie ssuttat bi ‘hmieg tad-drenagg’. U din ir-rimarka pjuttost hasbitni, ghax jew id-detenuti f’dan ic-centru jaqdu l-bzonnijiet taghhom fis-sloppijiet bhall-Maltin ta’ qabel il-gwerra, inkella hemm xi sistema ta’ drenagg miftuha, biex dan jinsab daqshekk fil-qabda li setghu jissuttaw bih.

Konferma ohra ta’ liema stat ta’ disprament jinsabu fih id-detenuti tal-hekk imsejjah centru ta’ Hal Safi.

< Prev		Next >