ShareGvernijiet nazzjonalisti, tul dawn l-ahhar snin, sfaxxaw il-qasam finanzjarju. Bieghu l-assi tal-poplu bix-xejn. Investew f’diversi progetti sabiex isostnu l-politika tal-illuzjonijiet, investiment fil-gebla u mhux fil-bniedem.

Minhabba dan l-agir, il-poplu Malti u Ghawdxi, jinsab f’pozizzjoni fejn ghandu aktar minn erba’ biljun Ewro dejn. Izda din ic-cifra mhijiex realistika. Ghad forsi nkunu nafu kemm precizament ghandna dejn, fil-bagit li gej.

B’dan id-dejn kollu, magh-mul minn dan il-Gvern tul dawn is-snin fil-poter, pajjizna u l-poplu, m’ghamilx avvanzi ‘l quddiem. Anzi, kompla tghakkes bil-politika zbaljata u anke abbuziva. Illum qed ikompli jigi mghakkes u maghsur. U dan ghaliex?

Il-Gvern Nazzjonalista, sabiex jibqa’ jirbah is-siggu tal-poter, ra li bilfors irid jaqsam dak li jista’ mal-hbieb tal-hbieb. Irid jaqsam mill-gid komuni mahluq minn sistemi maghmula sabiex bihom, il-poplu stess jerga’ jigi moqdi.

Izda dan il-Gvern, minflok uza t-taxxi taghna kif inhu xieraq billi jinvesti fiz-zghazagh taghna, fis-sahha u dak kollu li tirrikjedi, id-dritt ghax-xoghol u mhux xoghol prekarju, l-edukazzjoni ecc, investa dawn it-taxxi f’binjiet, f’salarji u perkacci esagerati lill-hbieb tal-hbieb.

Berbaq flus il-poplu f’salarju doppju lill-membri tal-kabinett Nazzjonalista b’zieda ta’ 500 ewro fil-gimgha, karozzi lussuzi, progetti bla bzonn, riforma bazwija fit-trasport pubbliku u affarijiet ohra.

X’ha minn dan kollu l-poplu Malti u Ghawdxi? F’hiex isarrafu dakollu fl-interess tal- poplu? Xejn! Kielu l-kuntratturi, kielu l-ministri u s-segretarji parlamentari, kiel il-Prim Ministru, kielu l-hbieb fl-awtoritajiet u l-poplu baqa’ b’xejn.

Hu ir-riforma tat-trasport pubbliku. X’hadu diversi residenti bir-rotot il-godda? Xejn. Anzi marru ghall-aghar. X’hadu l-pazjenti li jkollhom bzonn servizz mediku fl-Isptar Mater Dei? Xejn. Emergenza mifqugha, pazjenti li m’hemmx fejn jigu mizmuma u appuntamenti ghal follow up li jsiru ghal sena wara jew aktar.

Biz-zieda li hadu l-Prim Ministru u shabu, x’ha l-poplu Malti u Ghawdxi? Xejn. Anzi zdied u tghakkes aktar il-poplu. Il-pajjiz issallab b’aktar taxxi. Il-qghad baqa’ hemm, il-faqar dejjem jizdied u Lawrence, Austin, Tonio Fenech, Giovanna, Dolores, Chris, Joe, Tonio Borg, Mario de Marco, Mario Galea, Jason, Clyde, George u Carm, jinsabu komdi b’500 ewro fil-gimgha zieda.

Ma jinteressahomx la ma cahdux iz-zieda li hadu. Ma jinteressahomx mill-weggha li pensjonant mhux ilahhaq mall-hajja; li l-haddiem salarjat jinsab imkisser sabiex jghajjex familja; li l-mara tad-dar qed ikollha taghmel sagrifficju u li hemm genituri li lanqas qed ihallu lil uliedhom ikomplu bl-istudji taghhom minhabba l-piz finanzjarju.

Ma jisimghux kif certi kappillani qeghdin sahansitra jitolbu sabiex familji jaghtu uniformijiet tal-iskola ghax hemm min m’ghandux biex jixtri uniformi ghal uliedu.

Gadaffi u dittaturi ohra, illum nafu x’ghamlu bi flus il-poplu. Flus il-pajjiz spiccaw investimenti taghhom u ta’ certi hbieb, filwaqt li l-popli taghhom ma kellhom xejn.

Pajjizi girien Ewropej l-istess. X’ jfisser dan kollu? Il-qaghda ekonomika ta’ pajjizna, m’hijiex mera ta’ dan kollu?

Huma biss id-dittaturi li jilghabu mad-demokrazija. Huma biss dawk politikament korrotti li jibqghu jitbissmu u jibqghu fil-poter, fejn idahhlu mizuri ta’ awsterità fuq il-poplu sabiex jaghmlu biss tajjeb ghal politika qarrieqa li tkun selhet lill-poplu.

Dan il-Gvern jiccertifika lilu nnifsu ghal dawn il-kriterji kollha u l-poplu mghobbi b’dan il-piz.

Gvern Laburista ser ikun qed jassigura li bl-ebda mod dan il-piz ma jintrefa’ mill-poplu, izda jintrefa’ minn dawk politikament responsabbli.

< Prev		Next >