Saturday, 10 September 2011 17:04
Stefan Zrinzo Azzopardi
Share
L-ahbar ma kienetx hazina ghall-Gvern ta' Lawrence Gonzi biss izda ghall-poplu Malti u Ghawdxi kollu. Ahbar li se tfisser pizijiet akbar ghall-poplu taghna li digà qieghed ihallas prezz gholi ghal decizjonijiet zbaljati li ttiehdu matul is-snin. Minkejja s-serjetà tas-sitwazzjoni, Lawrence Gonzi sab l-ehfef triq possibbli meta gie biex jittanta jaghmel dikarazzjoni dwar ir-rapport imhejji mill-agenzija Moody's.
Ghal Lawrence Gonzi m'hemm ebda problema interna fil-pajjiz, u fil-mod kif qed jitmexxew l-affarijiet f'pajjizna. Izda ghalih, minhabba li hemm problemi fiz-Zona Euro, il-Moody's ghazlu li jaghtu rizultat u ahbar hazina lil pajjizna.
Is-serjetà fit-tmexxija titlob ferm aktar minn hekk. Tirrikjedi li min ikun qed imexxi jaghraf li hemm diffikultà u jistqarr dak li se jbiddel biex is-sitwazzjoni attwali tibda tigi indirizzata.
Sa ftit taz-zmien ilu, r-rapport tal-Moody's kien imfisser minn Lawrence Gonzi bhala xi certifikat tat-tmexxija tieghu. Kienet tintuza l-frazi, "Malta's A1 government ratings reflect the country's high economic resiliency and its very high financial robustness."
Fl-20 t'April 2010, Lawrence Gonzi hekk fisser ir-rapport li kien hareg minn Moody's. Dan id-diskors intqal meta fiz-Zona Euro kien hemm digà diffikultajiet kbar. Issa li waslet din l-ahbar hazina ghal pajjizna, il-Prim Ministru sabha facli jwahhal fi hwejjeg lil hinn mit-tmexxija tieghu.
Wiehed jistaqsi, jekk l-ekonomija taghna kienet, skont Lawrence Gonzi sejra tajjeb meta kien hemm rating ta' A1, issa li dan ir-rating tnaqqas, bl-istess ragunar ifisser li l-ekonomija taghna qed titlef mir-rankatura li kellha. Dan Lawrence Gonzi mhux qed jghidu imma sab biss skuza kif iwahhal f'xi haga ohra.
Din l-ahbar hija hazina ghall-poplu taghna kollu ghaliex tfisser spiza akbar biex il-gvern isostni d-dejn nazzjonali bi hlas ta' imghaxijiet oghla. Tfisser li pajjizna, biex jattira l-investiment, se jkun aktar difficli u dan fi zmien meta jehtieg li jkollna investiment gdid biex naccertaw li jinholoq ix-xoghol u nkabbru l-prodott gross domestiku ta' pajjizna.
Ghaliex biex insostnu dak li ksibna matul is-snin f'pajjizna, jehtieg li l-ewwelnett naccertaw li f'pajjizna jinholoq il-gid. Ma nistghux insostnu dak li hu mehtieg ghall-poplu taghna jekk ma naccertawx li jkollna l-holqien tal-gid.
Huwa ghalhekk mehtieg li l-poplu taghna jinghata spjegazzjoni cara ghalfejn pajjizna nghata din l-ahbar hekk hazina. Mhuwiex ghaqli li ahbar bhal din tittiehed b'mod legger u minghajr vizjoni ta' fejn irridu nwasslu lil pajjizna.
L-ewwel haga li hemm bzonn hija li min qieghed imexxi jkun sincier mal-poplu u f'sitwazzjonijiet bhal dawn, aktar milli jfittex spjegazzjonijiet hfief, ifisser dak li qed jikkawza dawn id-diffikultajiet. Din l-ahbar hazina li nghata pajjizna tehtieg soluzzjonijiet godda biex tigi ndirizzata.
Ghaxar snin wara
L-ahbar malajr kienet infirxet bl-istazzjonijiet tal-ahbarijiet ixandru l-filmati tal-ajurplani imtajjra ghal gol-bini tat-Twin Towers f'attakk terroristiku minghajr precedent. Tista' tghid li dan l-attakk biddel l-istorja tad-dinja u wassal lill-Istati Uniti biex flimkien ma' alleati ohra taghha taghmel gwerra fuq ghadu li ghal zmien twil ma kienx maghruf.
Dan l-attakk wassal biex id-dinja tiehu prekawzjonijiet kbar f'dak li ghandu x'jaqsam ma' sigurtà. Attakk li jgieghlna nirriflettu dwar dak li jwassal biex it-terrorizmu nfirex u l-mezzi li jehtieg tuza l-komunità internazzjonali biex il-popli jghixu f'dinja aktar sigura.
It-tifkira li qed issehh illum, ta' dan l-attakk hekk ikrah, m'ghandhiex iservi biss bhala kommemorazzjoni ta' avveniment li ghadda, mhux biss isservi biex jigu mfakkra dawk kollha li mietu f'dan l-attakk, izda ghandha sservi bhala mezz biex id-dinja tibqa' tiftakar li l-prosperità ssehh meta l-bniedem jghix fil-paci.
This e-mail address is being protected from spambots. You need JavaScript enabled to view it
Subscribe to this comment's feed
