Share

Id-decizjonijiet imhawwdin tal-Vici-Sindku tal-PN tal-Qala

Fi tmien il-gimgha li ghaddiet erhejtha sal-gzira tat-tlett hotbiet. U nista’ nghid li ghaddejt jumejn mill-aqwa fit-trankwillità u s-serhan tal-mohh. U minix niccajta.

Kelli c-cans naqbez sal-Qala, wiehed mill-irhula favoriti tieghi li nassocjah mal-qcacet mizghuda bin-narcis lejn l-ahhar ta’ Jannar bidu ta’ Frar. M’ghandekx cans nghidlek fejn ezatt ikun dan it-tapit tan-narcis, ghax dan hu wiehed mill-ftit sigrieti li nippreferi nzomm ghalija.

 

Mela fir-rahal ta’ San Guzepp u l-Kuncizzjoni ttella’ l-Qala International Folk Festival 2011 li kien success b’folla kbira tohnoq il-pjazza tal-Qala mill-15 sat-18 ta’ Settembru. Prosit lil tant u tant nies li taw is-sehem taghhom b’mod volontarju.

Izda waqt li kont qieghed inhuf hemmhekk, xi ilsna hziena bdew jistaqsu kif waqt li kien qieghed isir dan il-festival, li huwa wiehed mill-avvenimenti principali tal-Kunsill tal-Qala, ‘kumbinazzjoni’ il-President tal-banda tal-Qala Raymond C Xerri mar vaganza Korfu ma’ xi bandisti u xi nies mill-Qala proprju fil-granet tal-festival meta l-banda kellha ddoqq f’dawn il-granet.

Xerri hu wkoll membru fil-Kunsill Lokali, anzi vici-sindku ghal giehna, l-istess kunsill li organizza dan il-festival u huwa wkoll membru fil-kumitat organizzativ tal-istess festival. B’xorti tajba l-bicca l-kbira tal-bandisti ghazlu li jibqghu l-Qala halli jdoqqu.

Skont l-istess ilsna hziena, din it-tip ta’ mgiba mhawwda fakkrithom f’certi decizjonijiet ohra mhawwda tal-istess Xerri ghal dik li hija festa ta’ San Guzepp tal-Qala. Darbtejn il-mixja tal-banda inbidlet ezatt qabel ma bdewha u nholoq tahwid li gab ir-rabja tal-Qalin.

Anke qabel il-hrug tal-istatwa l-banda naqset li tasal fil-pjazza fil-hin u tharbat il-programm kollu.

Decizjoni mhawwda ohra ta’ Raymond Xerri, ferm aktar serja minn tal-banda, kienet dik li kien ha rigward il-progett ta’ Hondoq ir-Rummien fejn fl-ahhar iddecieda li jbiddel fehemtu u beda jappoggja il-progett ghall-qirda ta’ Hondoq.

Bir-ragun il-Qalin huma rrabjati ghal dawn id-decizjonijiet bla ghaqal u mhawdin!

Ir-Ramla l-Hamra parti mill-Genna

La bdejt, se nkompli b’Ghawdex. Jien ragel tal-blat, mhux tar-ramel, u ifhimni. U le fejn mort b’rasek…ma nhobbx nghum f’bajjiet ramlin imma xtajta soda kollha blat nippreferieha flok dawk ir-ramel li jidholok fix-xquq kollha ta’ gismek. It-tip ta’ Delimara minkejja li zvergnawa b’dawk is-simboli fallici tac-cmieni tal-power station u li Ninu Zammit l-ewwel, imbaghad il-professur tad-demokrazija Agustus Gatt ghogobhom jirvinaw ghal dejjem; meta trid tqis ukoll il-kwantità kbira ta’ vapuri tal-merkanzija li qeghdin isorgu barra l-port kif ukoll il-fishfarms bil-ghalf kollu xaham.

 

Fejn jidhlu l-bajjiet bir-ramel, eccezzjoni wahda biss naghmel: ir-Ramla l-Hamra ta’ bejn in-Nadur u x-Xaghra, li ghalija hija kif nimmaginaha parti minn dik li tista’ tkun il-Genna.

 

Alla zgur kien jaf x’inhu jaghmel meta halaq din il-bajja – is-sbuhija u l-gmiel naturali taghha jgeghluk tadura l-kobor tal-holqien u minn hemm warajh. Id-darbtejn li mort fi tmiem il-gimgha li ghaddiet komplejt issahhart wara din il-bajja.

 

F’bahar kalm, qiesha pixxina enormi, ilma frisk, imhaddan minn diraghjn il-kampanja Ghawdxija li sa issa ghadha tirrezisti li tgiddem mill-gaffa. F’bahar ftit inqas kajman bhalma kien nhar it-Tnejn, l-gholi tal-mewg igeghlek tammira u anki ggarrab is-sahha u l-kobor tan-natura. Taqbez, tintreha u toghodos ghal gol-mewg u filghaxija torqod qiesek ghaslug u bl-ghejja ghal darba l-hsibijiet ma jkunux jistghu jaghmlu taghhom. Ghax kif timted, ghajnek mill-ewwel tmur bik. Zgur li ahjar mill-aqwa kalmant!

Ma daqqitlix

L-unika esperjenza li ma daqqitlix fir-Ramla l-Hamra kienet dik li ftettilli niekol xi haga f’wiehed mir-restoranti li suppost huwa struttura temporanja, imma li ghandu pedamenti sodi u rabba l-gust izjed mis-swar tac-Cittadella. Iddecidejt li nibqa’ ngawdi l-veduta tar-Ramla sa ma jidlam, u ordnajt platt klamari, suppost moqlija fit-tewm. Dan il-platt li kien jiswa €16, jigifieri madwar 7 liri mill-antiki, kien tlett kwarti minnu mimli insalata u patata chips, u fir-rokna tal-kwart l-iehor tal-platt bil-klamari, illi difficli tghid jekk kienux moqlija jew mghollija, imma li hu zgur li kienu msahhna. L-esperjenza sabiha li tipprovdi b’xejn in-natura, kwazi kwazi giet imfottija mir-reghba u l-egoizmu tal-bnedmin.

L-Arriva u t-turisti

Fil-mejda ta’ quddiemi kien hemm erbgha nisa mill-accent Olandizi jew Belgjani, lkoll ta’ certa età, imma ghadu fuq ruhhom u kienu qeghdin jiehdu gost bil-kumpannija ta’ xulxin, jixorbu l-inbid u bl-ambjent uniku ta’ madwarhom. Ma kielux, allura ma ngidmux bhali. Imma meta gew biex izarmaw u staqsew ghal taxi, tar-restorant qalilhom biex jaqbdu l-Arriva li kellha tinzel ir-Ramla ma ddumx. U kif qalhom hekk dawn it-turisti rrambawh b’ton cajtier kemm trid, imma xorta urew kemm huma urtati.

 

Qalulu li huma l-Arriva ma jirkbuwiex u jippreferu jaqbdu taxi ghax ihossuhom misruqin ghall-fatt li l-Maltin jew l-Ghawdxin ihallsu mod u l-barranin ferm izjed. Biex jekk qieghed jahseb is-super arroganti Gatt li t-turisti qieghed jghaddihom minn ghajn il-labra, sejjer zball ghax hafna minnhom jinsabu urtati u jzommuhielu fil-komma.

 

U fejn hu Simple Simon li kien qal li din id-distinzjoni fin-noll bejn Maltin u Ghawdxin u l-barranin hija diskriminatorja skont ir-regoli tal-Unjoni Ewropea. Se jibqa’ jinsisti dwar dan jew mietet fuq ommha bhal hafna affarijiet ohra?!

< Prev		Next >