Il-qtil doppju ta’ Falcon House Tas-Sliema
“F’dan il-mumenti ghandna nkunu solidali mall-familji tal-vittmi ” - Fr.Charles Tabone
Il-bierah filghodu, fil-Knisja ta’ Gesù Nazzarenu f’Tas-Sliema, nghatat l-ahhar tislima lil Duncan Zammit, wiehed mill-mejta fil-qtil doppju li sehh nhar l-ewwel tas-sena f’Falcon House tas-Sliema, wara li nhar l-Erbgha li ghadda sar il-funeral tal-vittma l-iehor Nicholas Gera.
Waqt il-quddiesa tal-funeral ta’ Zammit, Fr. Charles Tabone appella biex f’dan il-mument hekk difficli, kulhadd ghandu jkun solidali maz-zewg familji li ntlaqtu f’din it-tragedja.
Fil-prezenza tal-mara ta’ Duncan, Claire Zammit Xuereb, kif ukoll iz-zewg uliedha tewmin ta’ tliet xhur, Jack u Millie, l-koncelebrant sahaq li minn issa ‘l quddiem, l-aktar haga importanti hija l-mahfra ghax b’hekk biss nistghu nkomplu nghixu.
Fr. Tabone qal li flok nispekulaw dwar x’seta’ gara dakinhar, l-ahjar haga hija li niffukaw fuq iz-zewg familji li bhalissa ghaddejin minn tbatija kbira u ghandna nkunu solidali maghhom u naqsmu maghhom dan il-mument ta’ dwejjaq.
Dwar Duncan Zammit, Fr. Charles Tabone qal li li Zammit kien bniedem qalbu tajba u li dejjem ghamel hiltu biex iferrah lin-nies ta’ madwaru. Qal ukoll li kien ragel ezemplari li kellu l-familja ghal qalbu hafna, specjalment liz-zewg uliedu ckejknin.
Fr. Tabone temm l-omelija b’appell lejn il-familja ta’ Zammit u qal li minkejja t-tbatija li ghaddejin minnha bhalissa, xorta wahda ghandhom jaghmlu hilthom biex ikomplu jghixu ghax fi kliemu, dan huwa dak li Duncan jixtieq ghalihom bhalissa.
Subscribe to this comment's feed
| < Prev | Next > |
|---|
