Ghalkemm Lawrence Gonzi rrifjuta li jsejjah b’urgenza l-Parlament il-gimgha d-diehla biex permezz ta’ vot ta’ fiducja jkun maghruf jekk ghadx ghandu l-appogg tal-maggoranza fil-Parlament, hija biss kwistjoni ta’ zmien, gimghat jekk mhux jiem, meta jerga’ ladarba jerga’ jiltaqa’ l-Parlament, li Lawrence Gonzi jkollu jiffaccja r-realtà cara u tonda li m’ghadux igawdi l-fiducja tal-maggoranza tad-deputati fil-Parlament, rekwizit essenzjali biex il-gvern tieghu jkun jista’ jibqa’ jiffunzjona.
Id-Deputat Nazzjonalista Franco Debono f’dawn l-ahhar sighat ghamilha cara ghal aktar minn darba li jrid lil Lawrence Gonzi jirrizenja minn Prim Ministru, u jekk mhux se jaghmel dan, huwa kien se jirtira l-appogg tieghu ghall-Gvern ta’ Gonzi.
Fid-dawl ta’ dawn l-ahhar zviluppi, Lawrence Gonzi jista’ jiffaccja sitwazzjoni fejn l-agenda parlamentari tieghu, ta’ abbozzi ta’ ligijiet, estimi finanzjarji ta’ entitajiet governattivi ecc, tispicca ma tkunx approvata mill-maggoranza fil-Parlament li ma tappoggax il-gvern tieghu.
L-ebda gvern ma jista’ jtul wisq f’sitwazzjoni prekarja bhal din.
Hemm possibbiltà ohra li tista’ sehh fil-granet li gejjin biex jinqata’ dan l-impasse, din is-sitwazzjoni ta’ incertezza u instabbiltà fi hdan il-gvern tal-pajjiz. Instabbiltà pprovokata unikament mill-inkapacità fit- tmexxija ta’ Lawrence Gonzi li jzomm l-ghaqda fi hdan il-grupp parlamentari tieghu, bi Franco Debono jkun biss wiehed minn hafna sorsi ta’ dissens fi hdan l-istess grupp.
Minn fost id-deputati parlamentari stess li ma jappoggawx lill-Gvern, tista’ titressaq mozzjoni ta’ sfiducja fil-Prim Ministru Lawrence Gonzi, f’liema sitwazzjoni jkun jista’ jigi kkonstatat formalment li huwa m’ghadux igawdi l-appogg tal-maggoranza tad-deputati fil-Parlament.
Fil-kaz ta’ mozzjoni ta’ sfiducja, il-Gvern ta’ Lawrence Gonzi ma jkunx jista’ jsalva bil-casting vote tal-Ispeaker, u f’kaz li l-maggoranza tad-deputati fil-Parlamentari jesprimu l-isfiducja fih, huwa jkun kostrett li jirrizenja.
Minkejja li nhar il-Gimgha filghaxija, waqt programm fuq TVM, Lawrence Gonzi rrifjuta li jsejjah il-Parlament b’urgenza biex permezz ta’ vot ta’ fiducja jivverifika jekk ghadux igawdi l-appogg tal-maggoranza tad-deputati, xorta wahda jista’ jiffaccja vot ta’ sfiducja fil-gvern tieghu hekk kif il-Parlament jibda jiltaqa’ regolarment wara l-vaganzi tal-Milied.
Jekk dan il-vot ta’ sfiducja jghaddi mill-Parlament u Gonzi ma jirrizenjax minn Prim Ministru fi zmien tlett ijiem jew ma jaghtix il-parir lill-President tar-Repubblika biex isejjah elezzjoni generali, il-President tar-Repubblika f’dak il-kaz ghandu l-poter li jxolji l-Parlament u jsejjah elezzjoni generali minkejja li l-Prim Ministru ma jkunx tah parir f’dan is-sens.
Mill-banda l-ohra jidher li dak li ghandu f’mohhu Franco Debono, kif hareg car mill-konferenza stampa tal-bierah, huwa li Gonzi jigi mgieghel jirrizenja minn Prim Ministru jew li jitnehha minn din il-kariga, possibbilment minghajr ma tissejjah elezzjoni qabel iz-zmien.
Franco Debono huwa konxju tal-fatt illi hekk kif tissejjah elezzjoni generali qabel iz-zmien, dan jista’ jkun ifisser it-tmiem tal-karriera parlamentari tieghu.
Il-President ta’ Malta f’kaz li Dr. Gonzi jisfa sfiducjat fil-Parlament, jista’ fit-teorija jdur fuq xi membru iehor tal-Kamra, biex jara jekk hemmx il-possibbiltà li dan jikkmanda l-appogg tal-maggoranza fil-Parlament u jifforma gdid.
Imma jekk il-Prim Ministru attwali jaghti parir lill-President ta’ Malta biex ixolji l-Parlament u jsejjah elezzjoni generali qabel iz-zmien, probbabbilment il-President f’dan il-kaz jimxi fuq il-parir tal-Prim Ministru.
Subscribe to this comment's feedMinn Christian Louboutin Sale
,
January 18, 2012 
| < Prev | Next > |
|---|
