Minkejja li l-Qorti kienet digà ikkonkludiet li l-allegazzjoni li Jason Micallef ried iwettaq diskriminazzjoni billi l-Gvern Laburista jkun gvern tal-Laburisti biss, kienet wahda inveritiera, Michael Seychell fl-24 ta’ Novembru li ghadda rega’ rrepeta din l allegazzjoni fil-konfront ta’ Jason Micallef waqt il-programm Analizi tal-Ahbar imxandar fuq l-istazzjon tal-Partit Nazzjonalista, NET Television.
Michael Seychell fl-istess programm allega wkoll li Jason Micallef jekk ikun hemm gvern Laburista, jwettaq vendikazzjonijiet u tpattija.
Kien ghalhekk li Jason Micallef, permezz tal-Avukat Pawlu Lia ressaq fil-Qorti kawza ta’ libell kontra Michael Seychell u kontra l-istazzjon tal-Partit Nazzjonalista.
Ir-rikors ipprezentat minn Jason Micallef, jghid li l-allegazzjonijiet li saru fil-konfront tieghu huma foloz u malafamanti bl-iskop li joffendu l-unur u l-fama tieghu u jesponuh ghad-disprezz tal-pubbliku.
Subscribe to this comment's feed
| < Prev | Next > |
|---|
