Numru sostanzjali ta’ Departmental Managers u Nursing Officers (NOs) fl-isptar Mater Dei gew trasferiti habta u sabta fl-ahhar gimghat. Filwaqt li uhud minn dawn it-trasferimenti kienu qed jigu mitluba mill-haddiema, trasferimenti ohrajn inghataw minghajr ma kien hemm ebda talba ghalihom.
Ikkuntattjat minn din il-gazzetta, il-President tal-MUMN Paul Pace qal li s’issa b’kollox saru madwar 100 trasferiment. 53 NO gew trasferiti minhabba li ghadhom kif gew promossi fil-kariga, filwaqt li bejn 40 u 45 trasferimenti ohra saru minghajr precedent. Numru sostanzjali minn dawn it-trasferimenti qatt ma kienu mitluba mill-haddiema.
Persuni midhla tas-sitwazzjoni li tkellmu mal-KullHadd qalu li t-trasferimenti jidher li bdew mid-Departmental Managers u qed jibqghu nezlin ‘l isfel fl-iskali. Allegatament dan qed isir biex jinholoq grupp gdid li jkun jista’ jimxi b’sistemi differenti minghajr tfixkil minn dawk li ghandhom esperjenza ta’ snin twal fid-dipartimenti rispettivi taghhom. Huwa ghalhekk li manigers u infermiera antiki qed jigu trasferiti u mibdula b’ohrajn godda.
Minn informazzjoni li ghandha din il-gazzetta jirrizulta li numru ta’ Departmental Managers inbaghtu fi djar jew sptarijiet tal-anzjani, fosthom San Vincenz de Paule u d-djar tal-Furjana u l-Imtarfa, filwaqt li ohrajn inbaghtu f'Monte Carmeli.
Ghall-mistoqsijiet ta’ din il-gazzetta rigward kemm saru trasferimenti fost l-istaff paramediku f'Mater Dei fl-ahhar xahrejn, il-Ministeru tas-Sahha evita li jaghti twegiba diretta, u minflok qal li peress li kienu nhatru iktar minn 50 NOs godda, kien ghaddej process li bih numru ta’ NOs kienet qed tinghatalhom responsabbilta` gdida fi swali ohra.
“Naturalment bhalissa n-Nursing Officers il-godda qed jinghataw ir-responsabbilitajiet il-godda taghhom, filwaqt li, sabiex isir l-ahjar uzu possibbli mill-esperjenza ta’ Nursing Officers ezistenti, uhud minnhom qed jinghataw inkarigi godda, skont il-bzonnijiet tas-sistema tas-sahha. Dan kollu naturalment qieghed isir bl-uniku skop li l-pubbliku jinghata servizz dejjem ahjar”, sostna fit-twegiba tieghu l-Ministeru tas-Sahha.
Madanakollu wiehed ma jistax ma jiddubitax kemm dawn il-manigers u l-infermiera verament intbghatu f’inkarigi ohra fl-ahjar interess tal-pubbliku. Dan ghaliex wara li dawn saru specjalizzati fuq it-tip ta’ pazjenti u kundizzjonijiet ta’ dipartimenti partikolari permezz ta’ snin twal ta’ esperjenza, issa qed jintbghatu f’dipartimenti ohra fejn certu kundizzjonijiet huma ghal kollox differenti minn dawk li draw jahdmu fuqhom. Min-naha l-ohra, l-persuni l-godda li qed jiehdu post dawk antiki mhux necessarjament qed ikollhom l-istess esperjenza u gharfien bhal ta’ qabilhom.
Subscribe to this comment's feed
| < Prev | Next > |
|---|
