L-ahbar kienet tirrigwardja s-Sindku Laburista tas-Sannat Ghawdex, Philip Vella, u xi xoghol li allegatament kien twettaq minn haddiema tal-Kunsill Lokali fi proprjetà privata.
Dwar din l-ahbar, is-Sindku tas-Sannat, kien baghat lil Net News, twegiba li kellha tinqara fl-intier taghha, skont ir-regolamenti tal-Awtorità tax-xandir. Izda flok din it-twegiba nqrat kif inhi, kif titlob il-ligi tax-xandir, fil-bulletin tat-Tnejn 17 t’Ottubru 2011, l-editur ta’ Net News, Nathaniel Attard, ta interpretazzjoni tieghu personali ghal dak li kien hemm miktub fit-twegiba u qal li s-Sindku Philip Vella, wahhal fis-Segretarju Ezekuttiv ghall-abbuz li sehh.
L-avukat ta’ Vella, Mario Scerri spjega li b’dan il-mod, l-effett u r-rimedju tal-istess dritt ghar-risposta, kienu gew mitigati. Zied jghid li permezz tal-kummenti li saru min-Net News, inghatat l-impressjoni li l-allegat abbuz kien fil-fatt sehh u lis-Sindku tas-Sannat, kien qieghed iwahhal fis-Segretarju Ezekuttiv, meta dan ma kienx il-kaz, u meta dan kien gie michud b’mod kategoriku fl-istess risposta.
Min-naha tieghu, il-Kap tal-Kamra tal-Ahbarijiet ta’ Net News, Nathaniel Attard qal li filwaqt li ttratta r-risposta ta’ Vella, bhala talba formali ghal dritt ghar-risposta, hass li kien gustifikat u legittimu li jghaddi l-kummenti editorjali tieghu f’nofs l-istess risposta.
Wara li rat il-mod li bih giet imxandra t-twegiba ta’ Vella f’Net News, l-Awtorità tax-Xandir, ikkonkludiet li Net News ma kienx konformi mal-provvedimenti fil-Htigijiet dwar Standards u Prattika li kienu jirregolaw il-Bulletini tal-Ahbarijiet u l-programmi ta’ grajjiet kurrenti, specifikament dawk li jobbligaw lix-xandar ghandu jaqra r-riposta kif sottomessa u minghajr l-ebda kummenti mizjuda.
Quddiem dawn il-fatti, l-Awtorità tax-Xandir iddecidiet li l-ilment tas-Sindku tas-Sannat, Philip Vella kien iggustifikat, izda rat li f’dan il-kaz ma kellhiex taghti rimedju.
Dwar din id-decizjoni, l-gazzetta KullHadd hadet r-reazzjoni tas-Sindku tas-Sannat, Philip Vella li sahaq li d-decizjoni tal-Awtorità tax-Xandir li ma jinghatax rimedju hija totalment farsa u dan minhabba l-fatt li la darba l-ahbar inkwistjoni xxandret fuq Net News, l-istess stazzjon kellu jxandar apologija u kellu jsib spazju biex tinqara t-twegiba kif suppost kellha tinqara.
Subscribe to this comment's feed
| < Prev | Next > |
|---|
