Fost il-kandidati li l-Partit Nazzjonalista se jkollu fl-elezzjonijiet tal-Kunsilli lokali f’Marzu li gej, hemm ir-reporter ta’ Net News, Robert Cremona. Cremona se jkun qed jikkontesta f’isem il-PN fil-lokalità ta’ Hal Qormi.
Bhal kull kandidat iehor, Robert Cremona bhalissa ghaddej bil-kampanja tieghu fuq il-Facebook. Fost dawk li qed jghinuh f’din il-kampanja hemm huh, Mark Cremona li huwa ufficjal tal-Korp tal-Pulizija. Fil-fatt, fuq il-pagna tieghu ta’ Facebook, Mark Cremona qieghed jappoggja bl-aktar mod miftuh il-kandidatura ta’ huh ghall-elezzjoni tal-kunsilli lokali.
Dan minkejja li bhala ufficjal tal-Korp tal-Pulizija, mhux suppost li jappoggja fil-miftuh lil xi partit politiku jew lil xi kandidat.
Din hija wahda mir-regoli sagrosanti tal-Korp tal-Pulizija u hija wkoll imnizzla fil-kodici tal-etika tal-Korp tal-Pulizija.
Fil-fatt, il-kodici tal-etika tal-Korp tal-Pulizija jghid hekk: “li membru tal-Korp tal-Pulizija jkun affiljat jew jiehu sehem attiv jew fil-miftuh ma’ xi partit politiku jew ma’ xi ghaqda b’ghanijiet partiggjani, huwa assolutament ipprojbit. Membri tal-Korp lanqas ma jistghu jippartecipaw f’xi attività li aktarx tfixkel il-qadi leali u imparzjali tad-dmirijiet taghhom jew li aktarx tqajjem l-impressjoni fost il-membri tal-pubbliku li tista’ hekk tfixkel.”
Dan ifisser li bl-atteggjament tieghu, Mark Cremona qieghed jikser b’mod sfaccat il-kodici tal-etika tal-Korp tal-Pulizija, li huma miktuba iswed fuq l-abjad.
Subscribe to this comment's feed
| < Prev | Next > |
|---|
