Minkejja li l-Prim Ministru qed jibqa’ jinsisti li l-inizjattivi varji li qeghdin jittiehdu f’dawn il-jiem m’humiex sintomu ta’ elezzjoni bikrija, id-Dipartiment tal-Informazzjoni qed jirreklama ghexieren ta’ mpjiegi godda f’ministeri, dipartimenti u agenziji tal-Gvern.
Dawn ivarjaw minn librara u letturi fl-Università sa servizzi ta’ psikologi u counselling, minn senior executives ghal postijiet ta’ project assistants, minn sejha ghal ‘Hilti and Id f’id tutors’ ghal sejha ghal senior legal officer.
Huwa ‘fenomenu’ mhux normali li jithabbru f’daqqa dawn is-sejhiet kollha ghal postijiet tax-xoghol vakanti f’ministeri dipartimenti u agenziji tal-gvern, liema postijiet jigu reklamati mid-Dipartiment tal-Informazzjoni.
Il-Gvern suppost li qieghed jimxi b’politika illi fejn possibbli, jimpjega persuna ghal kull 2 persuni li jirrizenjaw jew jirtiraw kull sena.
Din is-sejha ghal daqstant applikazzjonijiet qed issir filwaqt li l-Gvern kien mistenni li jnaqqas mill-ispiza f’reklutagg ta’ haddiema godda fic-Civili. Dan wara li l-Kummissjoni Ewropea rat li l-Bagit ta’ Malta ghall-2012 ma kienx wiehed sostenibbli, u talbet lill-Gvern inaqqas 40 miljun mill-ispiza pubblika mhabbra originarjament.
Subscribe to this comment's feed
| < Prev | Next > |
|---|
