Mis-27 Stat Membru tal-Unjoni Ewropea
Malta ghandha l-aktar rata baxxa ta’ nies jahdmu fis-27 pajjiz tal-Unjoni Ewropea wara l-Ungerija. Filwaqt li r-rata medja fl-Unjoni Ewropea hi ta’ 64.1%, dik ta’ Malta hi biss ta’ 56.1%. Dan ifisser li Spanja li bil-krizi u r-ricessjoni qawwija u ghandha l-ikbar rata ta’ qghad, xorta wahda tghaddi lil Malta fil-percentwal ta’ nies li ghadhom jahdmu fil-popolazzjoni.
Il-Professur tal-Ekonomija u Ewroparlamenari Laburista Edward Scicluna, mistoqsi jispjega kif jispjega l-fatt li Malta ghandha rata baxxa ta’ qghad meta ghandha rata baxxa ta’ xoghol, qal illi r-rata tal-qghad m’ghandiex tintuza bhala indikatur ta’ kemm qed jinholoq xoghol.
Ir-rata tal-qghad hija biss indikatur makro-ekonomiku biex jindikalek fejn jinstab ic-ciklu ekonomiku. Hekk meta l-qghad ikun gholi wiehed jistenna li l-ekonomija hija f’xi ricessjoni. Ghall-kuntrarju jekk ir-rata hija baxxa hafna tfisser ekonomija hija espansiva zzejjed. Dan kollu fuq medda qasira ta’ zmien.
Biex wiehed iqabbel ma’ pajjiz iehor kemm l-ekonomija tieghu tkun holqot xoghol, wiehed ghandu juza indikatur iehor - ir-rata tax-xoghol. Din titkejjel bhala l-percentwal ta’ persuni fil-pajjiz fl-età ta’ bejn is-16 u l-64 sena li jkunu qed jahdmu.
Tista’ tghodd dawk ukoll li ghandhom part-time bhala x-xoghol principali taghhom. Din ir-rata tindikalek kemm l-ekonomija holqot impjiegi produttivi. Din ir-rata hija importanti ghax tindikalek kemm hemm nies li jikkontribwixxu ghat-taxxi diretti u ghal pensjonijiet. Iktar ma hija gholja, iktar il-piz tal-popolazzjoni jinqasam fuq iktar haddiema. Ghall-kuntrarju fejn ir-rata hi baxxa ikbar hu l-piz fuq il-persuni li jahdmu.
Issa Malta ghandha l-izghar rata ta’ nies jahdmu fis-27 pajjiz tal-Unjoni Ewropea wara l-Ungerija. Filwaqt li r-rata medja fl-Unjoni Ewropea hi ta’ 64.1%, dik ta’ Malta hi biss ta’ 56.1% Ghalkemm ma titwemminx, dan ifisser li Spanja li bil-krizi u r-ricessjoni qawwija u ghandha l-ikbar rata ta’ qghad, xorta wahda tghaddi lil Malta fil-percentwal ta’ nies li ghadhom jahdmu fil-popolazzjoni.
Subscribe to this comment's feed
| < Prev | Next > |
|---|
