Huwa wiehed mill-aqwa avukati tal-kriminal f’pajjizna. Missier ta’ tliet itfal zghar u wara diversi snin, ser jirritorna fix-xena politika, din id-darba mal-Partit Laburista hekk kif se jikkontesta fuq id-disa’ u l-ghaxar distrett.
KRISTA CARUANA ltaqghet ma’ EMMANUEL MALLIA u tkellmet mieghu dwar hajtu, dwar il-karriera legali tieghu u anke dwar l-aspirazzjonijiet politici li ghandu.

Xi tghidilna dwar it-tfulija tieghek u l-familja tieghek illum il-gurnata?

Jien l-izghar minn fost hamest ahwa. Twelidt Tas-Sliema, n-naha tal-Parrocca tas-Sacro Cuor. Missieri kien persuna li tilef lil missieru meta kien ghad kellu biss 5 snin u kellu 5 hutu bniet. Minhabba f’hekk kien kostrett li jidhol fid-dinja tax-xoghol f’età zghira sabiex ikun jista’ jmantni lil ommu u hutu. Ommi mill-banda l-ohra kienet mara tad-dar.

Kemm ommi u missieri rawmuna f’valuri sodi, partikolarment missieri li dejjem ghallimni biex ma ninsa qatt l-origini tieghi u nasal fejn nasal fil-hajja ma ninsa qatt lil min hu anqas ixxurtjat minni.